قازاق ەلىندەگى ساياسي ماتريسا بيلىكتەگى كەيبىر تۇلعالاردىڭ ىس-ارەكەتىنەن عانا وزگەرىسكە ۇشىرايتىنىن كوزى قاراقتى اعايىن جاقسى بىلەدى. ونىڭ ءوزى كولدىڭ بەتىندە شەڭبەر-شەڭبەر ءىز قالدىرعانداي عانا ءالسىز دەڭگەيدە. بىزدە ماسەلەن، اشىق پىكىرتالاس، ءارتۇرلى پارتيالار يا بيلىك وپپونەنتتەرىنىڭ "وتكىر" مالىمدەمەلەرى ساياسي اxۋالعا تۇك اسەر ەتپەيدى. ساياساتتىڭ باعىتىن بۇراتىن ەلباسىمىزدان باسقا جوعارعى جاقتا تۇلعا دەيتىن كوپ كىسىمىز دە جوق. ال، سول كولدىڭ بەتىن جاي دىرىلدەتىپ قانا قويماي، كەرەك كەزدە تولقىتا دا الاتىن، قاجەت كەزدە الگى كولگە اساۋ-اساۋ وزەندەردى بۇرىپ اكەپ، ايدىننىڭ سۋىن جاڭارتىپ تۇراتىن از تۇلعالارىمىزدىڭ ءبىرى hءام بىرەگەيى كىم دەسە، كەز كەلگەن قازاق ول - يمەكەڭ دەر ەدى. جانە بۇل ءادىل باعا. حالىق ارزان پيار، ۇستانىمسىز ىس-ارەكەت، نەمقۇرايدى قيمىل-قوزعالىستىڭ بارلىعىن سول زاماتتا-اق سەزىپ-بىلىپ وتىرادى. حالىقتى الداۋ قانشالىقتى قيىن بولسا، ونىڭ ماxابباتى مەن سەنىمىنە يە بولۋ سونشالىقتى كۇردەلى دۇنيە. كوز الدىندا تەك ۇلتتىڭ مۇددەسى، ۇرپاقتىڭ بولاشاعى تۇرعان ادامنىڭ جۇرەگىندە عانا اسىل وي، باتىل شەشىم پايدا بولاتىنى اقيقات. سەبەبى، ناتيجە - نيەت پەن ارەكەتكە بايلانىستى.
كەي ادامدا تۇيسىكتەن (ينستينكت) بولەك پاسسيونارلىق تالشىق بولادى. بۇل ءتاڭىردىڭ سىيى hءام سىناعى. پاسسيونارلىق اۋەلىدە تۇيسىكتىڭ ءسوزىن تىڭداماي، ءوز يەسىن جارعا جىعاتىنداي دا كورىنىپ كەتۋى بەك مۇمكىن. بۇل اسىرەسە، ساياساتتا جۇرگەن تۇلعا ءۇشىن اسا قاۋىپتى-قاتەرلى. الايدا، تۇلعانىڭ پاسسيونارلىعى - تاريx پەن تاعدىردىڭ ميسسياسى ءۇشىن بەرىلگەندىكتەن، تۇيسىكتىڭ ءوزى كوكتە جازىلعان پەشەنەنى ەگجەي-تەگجەيلى بىلمەي جاتادى. ءبىز وسى ءبىر پاسسيونارلىق ەنەرگيانى يمەكەڭنىڭ بويىنان كورگەندەي بولامىز. مەملەكەت قايراتكەرى رەتىندەگى عۇمىرناماسىنا كوز جۇگىرتسەڭىز، كوز جەتكىزەر ەدىڭىز. ەلباسىنىڭ سەنىمدى ساردارى ءارى سەرىگى ول ەشقاشان اتتان تۇسكەن ەمەس. سەبەبى، پرەزيدەنت ادام تانيتىن كىسى. وعان تاۋەلسىز مەملەكەتتىڭ ىرگەتاسىن قالاساتىن ىشكى ەنەرگياسى مول قايراتكەرلەر كەرەك بولاتىن. تاڭداۋ تاسماعامبەتوۆ سەكىلدى ات توبەلىندەي شوعىرعا ءتۇستى جانە ولار قولدان كەلگەنشە باسشىسىنا كومەكتەسە ءبىلدى، ەلگە قىزمەت ەتتى. كەيدە اناۋ-مىناۋ دەپ سىناپ-مىنەپ جاتامىز. دۇرىس، قاتەلىكتەر بار. قاتەلىكتەر بار بولسا، دەمەك جۇمىس بار. بۇل ءومىر، جانە ءسىز بەن ءبىزدىڭ ءومىر. ءسىز بەن ءبىزدىڭ ءداۋىر. ءبىز وسى وزگەرىستەردىڭ كۋاسىمىز، جاڭا ۋاقىتىڭ تىنىسىمەن عۇمىر كەشىپ جاتقان ادامدارمىز. سول سەبەپتەن، كوپ نارسەگە سالماقتى وي، سارالانعان پىكىرمەن قاراعانىمىز ابزال. كەيدە مەن وزىمە مىنانداي سۇراق قويامىن: ءدال ءقازىر مەنى ءبىر ورىنعا قونجيتىپ وتىرعىزىپ قويسا، مەن قانشالىقتى دەڭگەيدە ءوز مىندەتىمدى ساپالى ورىنداي الامىن؟ وعان مەنىڭ ومىرلىك hءام ەڭبەك تاجىريبەم جەتە مە؟ ولاي ويلايتىنىمىز: xالىقتىڭ تاعدىرىنا جاۋاپتى بولۋعا قاۋقارىمىزدى سالماقتاعانىمىز. حالىقتىڭ تاعدىرىنا جاۋاپتى بولۋ - قوي باعۋ ەمەس. 
ءبىزدىڭ تاۋەلسىز زامانىمىزداعى ەلدىڭ تاعدىرىنا ەلەۋلى اسەر ەتكەندەردىڭ ءبىرى وسى - يمەكەڭ. ءالى دە قولىنان كەلگەن شارۋانى ىستەپ ءجۇر. سول ءۇشىن راxمەت ايتالىق. يمانعالي تاسماعامبەتوۆ - الاشتىڭ، تاۋەلسىزدىكتىڭ ءونىمى. ول ءبىزدىڭ قازاقتىڭ ىشىنەن تۇلەپ ۇشقان سۇڭقار. 60 جىلدىق مەرەيتويى قۇتتى بولسىن! جاقسى جاس، يمەكەڭ زور ابىرويمەن جەتكەن تاماشا بەلەس. ءالى دە يمەكەڭە ءتاڭىر وتانىمىزدىڭ، ۇلتىمىزدىڭ وسىپ-وركەندەۋىنە ەڭبەك ەتۋگە زور دەنساۋلىق، قاجىماس قايرات-قۋات، ۇزاق عۇمىر ءناسىپ ەتسىن دەپ تىلەدىك!

اقبەرەن ەلگەزەك