ەل تاۋەلسىزدىگىنىڭ 25 جىلدىق مەرەيتويى قارساڭىندا الەم ەلدەرى ءۇشىن قازاقستان جايلى كەڭىرەك ماعلۇمات الۋعا جول اشاتىن تاعى ءبىر مۇمكىندىك تۋدى. اتاپ ايتقاندا، قازاقستاندىق جاستار تولاعاي مەرەكەگە ءوز تارتۋلارىن جاساۋدى ۇيعارىپ، ءوز كۇشتەرىمەن «پاراساتتى ەل» دەپ اتالاتىن ارنايى موبيلدىك قوسىمشانى ازىرلەدى.
قازاقستاننىڭ الەمگە تانىمالدىلىعىن ودان ءارى ارتا تۇسۋىنە سەپتىگىن تيگىزۋ ماقساتىندا جاسالعان قوسىمشا كەلەسى جىلدىڭ باسىندا IOS جانە Android وپەراسيالىق جۇيەلەرىندە كوپشىلىك ءۇشىن قولجەتىمدى بولماق.
ءموبيلدى قوسىمشانىڭ جالپى ماقساتى – ادامداردى الەم ەلدەرىمەن، ونىڭ ىشىندە قازاقستانمەن جان-جاقتى تانىستىرۋ.
كەز كەلگەن جاستاعى ادامعا ارنالعان حالىقارالىق زياتكەرلىك ۆيكتورينا تۇرىندە ازىرلەنگەن قوسىمشا الەمنىڭ كەز كەلگەن بۇرىشىنداعى، كەزدەيسوق تاسىلمەن تاڭدالعان ادامنىڭ سەنىڭ ەلىڭ تۋرالى بىلىمىنەن ول ءومىر ءسۇرىپ جاتقان ەل تۋرالى ءبىلىمىڭنىڭ زور ەكەنىن پاش ەتۋ. قوسىمشاداعى ويىن جەڭىسكە قول جەتكىزگەن ءاربىر ادام ۇپايلار جيناۋ ارقىلى ءوز ەلىنىڭ رەيتينگىن الەمدىك زياتكەرلىك دەڭگەيدە كوتەرۋگە مۇمكىندىك الاتىنداي ەتىپ قۇرىلعان.
«قازاقستاننىڭ الەمگە تانىمالدىلىعىن ودان ءارى ارتتىرا تۇسسەك، باسقا ەلدەردىڭ حالقىن ءبىزدىڭ ەلدىڭ تاريحىمەن، مادەنيەتىمەن، تاۋەلسىزدىك جىلدارى قول جەتكىزگەن جەتىستىكتەرىمەن جان-جاقتى تانىستىرساق دەگەن ماقساتتا وسى قوسىمشانى ازىرلەدىك»، - دەدى ت.تايىموۆ.
