بريتاندىق عالىمدار ادام ومىرىنە قاتىستى ءتۇرلى ءپالسافالىق ويلارىن كۇن سايىن جەتكىزىپ وتىر. الايدا، ول تۇجىرىمدار قانشالىقتى راس ەكەندىگى جايلى ماقالا life.ru سايتىندا جارىق كورگەن بولاتىن. سول مالىمەتتىڭ قازاقشا نۇسقاسىن قامشى پورتالى ۇسىنادى.

ادامدار عىلىمعا سەنۋدەن قالىپ بارادى. كەز كەلگەن ىسكە ارالاسپاي جۇرمەيتىن بريتاندىق عالىمداردىڭ تۇجىرىمدارى بۇل ىسكە سەبەپ بولادى. ولاردىڭ  شوشقالاردىڭ بەلسەندىلىگىن، قاڭقىزداردىڭ جىنىستىق ءومىرىن، ادام باسىندا ۇنەمى جۇرەتىن كوڭىلدى اندەر جانە ادام ەسىمىنىنىڭ بولمىسىنا اسەر ەتۋى جايلى زەرتتەگەن تۇجىرىمدارى – كۇلكىلى ءارى وتە ورەسكەل. دەگەنمەن، ءبىز قاتەلەسىپ وتىرعان بولارمىز، ولاردىڭ تۇجىرىمدارى ادامزات عىلىمىندا بىردەن-بىر كەرەكتى اقپاراتتار شىعار؟ ولاردىڭ بىرنەشە تۇجىرىمدارىنا كوز جۇگىرتەيىك:

• بريتاندىق عالىمدار قىسقا بەلدەمشە ايەل ادامداردىڭ ۇزاق ءومىر سۇرۋىنە ىقپال ەتەدى دەيدى.
• بريتاندىق عالىمداردىڭ ايتۋىنشا، سول يىقپەن جاتىپ ۇيىقتاۋ پايدالى، ۇيقى قانادى جانە مي دەمالادى ەكەن.
• عالىمداردىڭ بولجامىنشا، بۇلدىرشىندەر جانە ەرەسەك ادامدار بوۋلينگ ويناۋ ارقىلى ارنايى اپپاراتتا جۇگىرۋگە قىزىعىپ، سول ىسكە بەرىلىپ كەتەدى ەكەن. بۇل تۇجىرىمدى دالەلدەۋ ءۇشىن 10 جىل جانە 250 فۋنت مولشەرىندە قاراجات كەتكەن.

وسى سىندى حابارلامالار كۇن سايىن الەۋمەتتىك جەلىلەردەگى لەنتامىزدا جاڭعىرىپ تۇرادى. بريتاندىق عالىمداردىڭ مۇنداي تۇجىرىمداعى ماقالالارى، كەيدە  ماڭىزدى ماسەلەلەرگە قاتىستى دا عىلىمي ماقالالارى تۋىنداپ جاتادى، الايدا «بريتاندىق عالىمداردىڭ ايتۋىنشا» دەگەن فرازا حالىقتىڭ قۇلاعىنا جاۋىر بولا باستادى جانە دە ولارعا دەگەن سەنىم دوعالىپ بارادى، سەبەبى ولاردىڭ اشقان عىلىمدارى نەگىزسىز جانە وتىرىك دەگەن ۇعىم دا قالىپتاسقان. ونىڭ دىلەلى رەتىندە مىنا ءبىر سوزدەردى كەلتىرۋگە بولادى: «بريتاندىق عالىمداردىڭ ايتۋىنشا، ادامدار بريتاندىق عالىمدار اشقان جاڭالىقتاردى شىندىق رەتىندە قابىلداي المايدى». بۇل - جەلى  قولدانۋشىلارىنىڭ شىعارعان ءازىلى. دەگەنمەن، ءار ازىلدە ءبىر ءزىل بار!

اۋدارعان: نازەركە لابيحان