جاقىندا عانا جارىق كورگەن "زەردە" اتتى ۇيالى سمارتفوننىڭ شىعىس تۇركىستان ايماعىندا كەڭىنەن تالقىلاۋعا تۇسكەنى بەلگىلى. تىپتەن ەڭبەكتىڭ ارتى جەمىسىن بەرىپ، تۇڭعىش قازاق تىلىندەگى ۇيالى قۇرىلعىنىڭ تۇساۋ كەسىلدى. اتاعى الاشقا عانا ەمەس،الەمگە ايگىلى بولىپ كەتتى. 21 جاستاعى قۋاناقىن سەرىك ۇلى قازاقتىڭ جەتىستىگىن الەمگە پاش ەتۋ ءۇشىن، الەمدەگى ەڭ ءىرى كوشپەلى قۇمدى ءشول تاكلا-ماكاندى جاياۋ كەسىپ ءوتىپ، گيننەسس كىتابىنا ەندى. "زەردە" ۇيالى سمارتفوننىڭ جەتەكشىسى - اقىتبەك شەريزات ۇلى قۇرىلعىنىڭ اۋقىمىن كەڭەيتىپ، قازاق جەرىندە دە تارالا باستاۋى ءۇشىن كومەك سۇراپ وتىر. كوكىرەگى وياۋ، كوزى اشىق قازاقتىڭ جومارت ءبىر ازاماتى "زەردەگە" زەر سالىپ، كومەك قولىن سوزار دەگەن ۇمىتتەمىز.
سۋرەت "ماسساگەت" سايىتىنان الىندى.
پىكىر قالدىرۋ