قازاقستان رەسپۋبليكاسىنىڭ پرەزيدەنتi نۇرسۇلتان نازاربايەۆ ق ر تاۋەلسiزدiگiنiڭ 25 جىلدىعى قارساڭىندا ەلدىڭ الەۋمەتتىك-ەكونوميكالىق جانە مادەني دامۋىنا، حالىقتار اراسىنداعى دوستىق پەن ىنتىماقتاستىقتى نىعايتۋعا قوسقان ەلەۋلى ۇلەسى جانە بەلسەندى قوعامدىق قىزمەتى ءۇشىن ازاماتتاردىڭ ءبىر توبىنا مەملەكەتتىك ناگرادالاردى تابىستادى، دەپ حابارلايدى Baq.kz

مەملەكەتتiك ناگرادا العاندار قاتارىندا تانىمال ساياساتكەرلەر، ءوندىرىس، بيزنەس، ءبىلىم بەرۋ، دەنساۋلىق ساقتاۋ سالالارىنىڭ كورنەكتى وكىلدەرى، اسكەري قىزمەتشىلەر، قۇقىق قورعاۋ ورگاندارىنىڭ قىزمەتكەرلەرى، سپورتشىلار، سوعىس جانە ەڭبەك ارداگەرلەرى، مادەنيەت جانە عىلىم قايراتكەرلەرى بار.

«بارشاڭىزدى الدا كەلە جاتقان ساۋلەلi مەرەكەمiز – تاۋەلسiزدiك كۇنiمەن شىن جۇرەكتەن قۇتتىقتايمىن. بۇل – قازاق ەلiنiڭ جاھانعا تانىلعان بارلىق يگiلiگiمiزدiڭ باستاۋى بولعان ەڭ ۇلىق، باستى مەرەكەمiز. سiزدەر وسىنداي ايتۋلى كۇننiڭ قارساڭىندا جوعارعى ماراپات مارتەبەسiنە جەتiپ وتىرسىزدار. بۇل جەكە ازاماتتار ارقىلى بارشا حالقىمىزدىڭ iستەگەن ەڭبەگiنە دەگەن باعا بولادى. كەز كەلگەن ەل جۇرتتان ەلەۋلi ونەرiمەن، مايەكتi مادەنيەتiمەن ەرەكشەلەنەدi. بۇل رەتتە تالانتتى تۋىندى تۇتاس ۇلتتىڭ رۋحاني قازىناسىن بايىتا تۇسەدi. وسىعان وراي، بۇگiن ادەبيەت پەن ونەر سالاسىنداعى مەملەكەتتiك سىيلىقتاردى تاپسىرعالى تۇرمىز. اقوردانىڭ ءتورiندە جينالعان بارشاڭىز ءۇشiن بۇل ەرەكشە مەرەيلi ءسات دەپ بiلەمiن. قۋانىشتارىڭىز قۇتتى بولسىن»، - دەدi مەملەكەت باسشىسى.

«قازاقستاننىڭ ەڭبەك ەرى» اتاعى قازاقستان رەسپۋبليكاسىن ەكونوميكالىق، الەۋمەتتىك-گۋمانيتارلىق دامىتۋداعى اسا ۇزدىك جەتىستىكتەرى ءۇشىن «ۇلتتىق نەيروحيرۋرگيا ورتالىعى» اق باسقارما ءتوراعاسى س.ق.اقشولاقوۆقا جانە قوستاناي وبلىسىنىڭ «تپك «قاراسۋ» ج ش س باس ديرەكتورى ا.ج.تۇرسىنوۆقا بەرىلدى.

سونداي-اق، پرەزيدەنت قولىنان ءى دارەجەلى «بارىس» وردەنىمەن پرەزيدەنت اكىمشىلىگىنىڭ باسشىسى ءا.ر.جاقسىبەكوۆ، جوعارعى سوتت ءتوراعاسى ق.ءا.ءمامي، ءىى دارەجەلى «بارىس» وردەنىمەن «ۇلتتىق شتاتتىق كوماندالار جانە سپورت رەزەرۆى ديرەكسياسى» رمقك نۇسقاۋشى-سپورتشىسى ز.ر.گابيدۋللينا، «قازاقستان رەسپۋبليكاسى ۇلتتىق عىلىم اكادەمياسى» رقب پرەزيدەنتى م.جۇرىنوۆ، ۇلتتىق قاۋىپسىزدىك كوميتەتىنىڭ ءتوراعاسى ك.ق.ءماسىموۆ، قازاقستان رەسپۋبليكاسىنىڭ رەسەي فەدەراسياسىنداعى توتەنشە جانە وكىلەتتى ەلشىسى م.م.ءتاجين، پرەزيدەنت جانىنداعى مەملەكەتتىك باسقارۋ اكادەمياسىنىڭ ينستيتۋت ديرەكتورى ز.ل.فەدوتوۆا، ءىىى دارەجەلى «بارىس» وردەنىمەن كومپوزيتور ا.قورازبايەۆ، «نۇر وتان» پارتياسى ءتوراعاسىنىڭ ءبىرىنشى ورىنباسارى م.ا.قۇل-مۇحاممەد ماراپاتتالدى.

«پاراسات» وردەنىمەن قازاق ۇلتتىق حورەوگرافيا اكادەمياسىنىڭ باسشىسى پ.اسىلمۇراتوۆا، ق ر ءادسم مينيسترi ت.دۇيسەنوۆا، استانا اكiمi ءا.يسەكەشيەۆ، ق ر مادەنيەت جانە سپورت مينيسترi ا.مۇحامەدي ۇلى ناگرادتالدى. سونداي-اق، «دوستىق»، «قۇرمەت»، «ەڭبەك داڭقى» وردەندەرi تابىس ەتiلدi.

قازاقستان رەسپۋبليكاسىنىڭ قۇرمەت گراموتاسىمەن 539 ادام ناگرادتالدى. «قازاقستاننىڭ ەڭبەك سىڭىرگەن قايراتكەرى» قۇرمەتتى اتاعى عىلىم، مادەنيەت جانە الەۋمەتتىك سالانىڭ 53 كورنەكتى وكىلىنە بەرىلدى.

اسكەري جانە قىزمەتتىك بورىشىن ۇلگىلى اتقارعانى، زاڭدىلىق پەن قۇقىقتىق ءتارتىپتى قامتاماسىز ەتۋدە، ەلدىڭ ۇلتتىق قاۋىپسىزدىگى مەن قورعانىس قابىلەتىن نىعايتۋ كەزىندە كورسەتكەن ەرلىگى مەن قاجىرلىلىعى ءۇشىن اسكەري قىزمەتشىلەر مەن قۇقىق قورعاۋ ورگاندارى وكىلدەرىنىڭ ءبىر توبى ءى جانە ءىى دارەجەلى «داڭق» وردەنىمەن، ءى، ءىى جانە ءىىى دارەجەلى «ايبىن» وردەنىمەن، «ەرلىگى ءۇشىن» جانە «جاۋىنگەرلىك ەرلىگى ءۇشىن» مەدالدارىمەن ماراپاتتالدى.