جاقىندا الماتى قالالىق اكىمشىلىگى قالا ماڭىنان كرەماتوريي(ولگەن ادامدى ورتەيتىن ورىن) سالىناتىندىعىن حابارلاعان. الەۋمەتتىك جەلىلەر مەن ءارتۇرلى باسپاسوزدە قارسى پىكىرلەر ايتىلىپ جاتقانىمەن قازىرگە قۇلاق اسقان ەشكىم جوق. اقمارال الديار ەسىمدى فەيسبۋك قولدانۋشى وسى ماسەلەگە بايلانىستى ءوز پىكىرىن بىلاي دەپ جەتكىزىپتى:
"نەگە ۇندەمەي وتىرسىزدار؟! "وسىلاي بولىپتى" دەپ باسىمىزدى تومەن سالىپ وتىرا بەرەمىز بە؟ قايدا الگى دىنشىلدەر؟ قايدا ۇلتجاندى ازاماتتار؟ وت اۋىز، وراق ءتىلدى جۋرناليستەر شە؟ ەل اعالارى قايدا؟ اقساقالى بار ما بۇل ەلدىڭ؟ بيلىكتىڭ تىزگىنىن ۇستاعان ءبىلىمدى ازاماتتار نەگە ۇندەمەي وتىر؟ حالىق قالاۋلىلارى شە؟ باتىرلارىمىز، سپورتشىلارىمىز نەگە ۇندەمەيدى؟ مادەنيەت، قوعام قايراتكەرلەرى؟ كىمدى ورتەمەكشى مىنا جۇرتتا، كىمدى؟؟؟
قارسىلىق ءبىلدىرىپ حات جازاتىن ەشكىمنىڭ بولماعانى ما؟ «جەر جوق» دەگەن نە؟ ولىككە كومۋنالدىق جاعداي كەرەك ەمەس ەدى عوي؟ تىرىسىندە ۇلتاراقتاي جەردى يەلەنە الماي كەتپەسىن. "وزگە ءدىن وكىلدەرى ءۇشىن" دەگەن سىلتاۋ! "وزگەگە" ءبىزدىڭ ەلدىڭ سالت-ساناسىن قاشانعى ىڭعايلايمىز؟ جاقپاسا وتانىنا كەتسىن! (ول جاقتا قابىلداسا!!!) اتا-بابامىز سولار ءۇشىن قاسىق قانى قالعانشا قورعاپ پا ەدى وسى جەردى؟ كورىندە وكىرىپ جاتقان شىعار...
اماناتقا قيانات جاسامايىق بۇلاي! ءبارىمىز دە وسى بايتاق، تاۋەلسىز ەلدىڭ ازاماتىمىز! سالىق تولەۋشىسىمىز! جەر اتىمىزعا جازىلماسا دا مۇندايعا جول بەرۋگە بولمايدى! جان-جاققا حات جازىپ، قارسىلىعىمىزدى بىلدىرەيىك. زايىرلىلىقتىڭ ءتۇرى وسى ما؟ بۇل باستاماعا كىمدەر جۇمىس ىستەپ جاتىر ەكەن؟ ءوزى وتقا ورانعىر!!!
قازاقستان رەسپۋبليكاسىنىڭ ازاماتشاسى رەتىندە، سالىق تولەۋشى رەتىندە، قازاق حالقىنىڭ ۇرپاعى رەتىندە مەن بۇل باستاماعا تۇبەگەيلى قارسىمىن!!!
PS. بىلەم، "ساۋاتى ارتىق، دامىپ كەتكەندەر" (ءوزىن سولاي باعالايتىن روبوتتار) شىعىپ، كرەماتوريي سالىنعانىن جاقتايتىن، ونى تۇسىندىرۋگە تىرىساتىندار تابىلادى. ولارعا ايتارىم: "نانىڭا ادال بولماساڭ دا، قانىڭا ادال بولشى، اينالايىن!"
ءسىز نە دەيسىز؟
پىكىر قالدىرۋ