قىتايدىڭ گۋاڭدۇڭ ولكەسىندە تامىزدىڭ ءبىرى مەن دەمالىس كۇندەرىندە جالپى ۇلتتىق ماسەلە كۇن تارتىبىنە شىقتى. ەلدىڭ وڭتۇستىك مەگاپوليستارىنىڭ ءبىرى شىنجىن قالاسىنىڭ ساقشىلارى ۇيالى تەلەفونعا ارنالعان «سۋپەرۆيرۋستى» جاسادى دەگەن كۇدىكپەن 19 جاستاعى ازاماتتى قۇرىقتادى. بۇل تۋرالى جەرگىلىكتى باق-قا سىلتەمە جاساپ يتار-تاسس حابارلادى.
قاتتى زالال كەلتىرۋشى باعدارلاما گۋاڭدۇڭدا جۇما كۇنى ارەكەت ەتە باستاعان. دەمالىس كۇندەرى جاعداي جالپى حالىقتىق اۋىر دەڭگەيگە جەتكەن. ناتيجەسىندە ءموبيلدى بايلانىس وپەراتورلارى تۇتاس ابونەنتتەرىنە زاقىمدالۋدان ەسكەرتۋ ءۇشىن سمس حابارلاما جىبەرۋگە ءماجبۇر بولىپتى.
حالىقتى ابىگەرگە سالعان ۆيرۋس Android جۇيەدەگى ۇيالى تەلەفونداردى بۇلدىرۋگە باعىتتالعان. ونىڭ ارەكەت ەتۋ سحەماسى تومەندەگىدەي: پايدالانۋشى كونتاكت تىزىمىندە اتى ساقتالعان ءبىر دوسىنان سمس حابارلاما قابىلداپ الادى، وندا ينتەرنەتتەگى الدەقانداي قىزىقتى دۇنيەگە سىلتەمە كورسەتىلەدى. ەگەر پايدالانۋشى سىلتەمەنى اشىپ كورەتىن بولسا ۇيالى تەلەفون وزدىگىنەن زاقىمداۋشى باعدارلامانى جۇكتەپ الادى. سونىڭ ناتيجەسىندە ءوزىنىڭ كونتاكت تىزىمىندە بار بارلىق ادامعا سىلتەمە جازىلعان سمس حابارلاما كەتەتىن بولادى. سولاي باعدارلاما جىلدام تارالادى جانە جۇكتەلگەن ۇيالى تەلەفونداردى جۇمىسقا جارامسىز ەتەدى.
قازىرگى ۋاقىتتا اتالعان «سۋپەرۆيرۋستى» جاساۋشى تۋرالى تولىقتاي اقپارات جوق. بار بولعانى ول لي فاميليالى جانە 19 جاستا.
قامشى-اقپارات
