داۋىس بەرۋ نەگىزىندە ەڭ ۇزدىك تۇمار ديزاينىنىڭ يەسى انىقتالاتىن بولادى. قازاقپاراتتىڭ جازۋى بويىنشا بۇل تۋرالى بۇگىن استانادا وتكەن باسپا ءسوز ءماسليحاتىندا «استانا ەكسپو-2017» ۇك» اق ماركەتينگ جانە قوعاممەن بايلانىس دەپارتامەنتىنىڭ ديرەكتورى اسەل قوجاقوۆا ايتتى: «ەكسپو-2017 حالىقارالىق كورمەسi تۇمارىنىڭ اۆتورى قۇنى 7 مىڭ دوللارلىق كەلiسiم-شارتقا قول قويۋ مۇمكىندىگىنە يە بولادى. ءبىز جەڭىمپازبەن ودان ءارى دە جۇمىس جاساي بەرەتىن بولامىز»، - دەدى ول ءوز سوزىندە.

ايتا كەتەيىك، ەكسپو - 2017 كورمەسiنiڭ ءۇزدiك ماسكوت ديزاينى بويىنشا حالىقارالىق بايقاۋدىڭ iرىكتەۋ كەزەڭi بيىلعى 20 مامىر مەن 20 ماۋسىم ارالىعىندا وتكەن بولاتىن. جارىسقا 80-نەن استام جوبا تۇسكەن. بايقاۋعا اقش، برازيليا، مەكسيكا، ۆەنەسۋەلا، پورتۋگاليا، رۋمىنيا، پولشا، ۋكراينا، يزرايل، ءۇندiستان، يندونەزيا، رەسەي، قازاقستان جانە باسقا دا ەلدەردiڭ ديزاينەرلەرi قاتىستى.

بايقاۋعا تۇسكەن جوبالاردىڭ باستى تالابى «بولاشاق ەنەرگياسى» كورمە تاقىرىبىنا ساي كەلۋi تيiس. سونداي-اق، قابىلداۋشى ەل - قازاقستان رەسپۋبليكاسى مادەنيەتiنiڭ ەرەكشەلiكتەرiن ايعاقتاۋى قاجەت. بiرiنشi كەزەڭ قورىتىندىسى بويىنشا، 7 قاتىسۋشىنىڭ جۇمىسى iرiكتەپ الىندى. بايقاۋ شارتتارىنا ساي، جەڭiمپازدار 2014 جىلعى تامىز ايىنىڭ 4-18 ارالىعىندا وتەتiن حالىقتىق داۋىس بەرۋ ارقىلى انىقتالادى. كوپ داۋىس جيناعان ءۇش جوبانىڭ iشiنەن بىرەۋi جەڭiمپاز بولىپ تابىلادى. قورىتىندى 19 قىركۇيەكتە جاريالانادى. كەز كەلگەن ازامات Facebook، VKontakte، Twitter نەمەسە موي مير الەۋمەتتiك جەلiلەرiندە داۋىس بەرە الادى. نەمەسە ەلەكتروندى پوشتا ارقىلى ارنايى كود الىپ قانا داۋىس بەرۋگە بولادى.