قازان ايىنىڭ 1-ىنە بەلگىلەنگەن پارلامەنت سەناتى دەپۋتاتتارىنىڭ سايلاۋىنا قاتىسۋعا 72 كانديدات ۇسىنىلعانىن جازدى ازاتتىق راديوسى. بۇل تۋرالى  ورتالىق سايلاۋ كوميسسياسىنىڭ وتىرىسىندا وسك ءتوراعاسى قۋاندىق تۇرعانقۇلوۆ مالىمدەگەن.

ونىڭ ايتۋىنشا، بارلىق كانديداتتار ءوزىن-وزى ۇسىنۋ قۇقىعىن پايدالانعان. ولاردىڭ اراسىندا ءتورت ايەل بار. دەپۋتاتتىققا كانديدات ۇسىنۋ 31 تامىزعا دەيىن جالعاسادى.

وسك اقپاراتى بويىنشا، سەنات دەپۋتاتتارىنىڭ سايلاۋىنا 136 ميلليون تەڭگە بولىنگەن. ءاربىر كانديداتتىڭ سايلاۋالدى ۇگىت-ناسيحاتتارىن جۇرگىزۋىنە  جانە ترانسپورتتىق شىعىندارىن جابۋعا رەسپۋبليكالىق بيۋدجەتتەن 395 مىڭ تەڭگە كولەمىندە قارجى بولىنەدى.

قازاقستان پارلامەنتىنىڭ سەناتى 47 دەپۋتاتتان تۇرادى. زاڭ بويىنشا، 15 دەپۋتاتتى قازاقستان پرەزيدەنتى تاعايىندايدى، ال قالعان 32 دەپۋتاتتى وبلىستىق ءماسليحاتتار مەن الماتى جانە استانا قالالارىنىڭ ءماسليحاتى سايلايدى. ولار 6 جىل ۋاقىتقا سايلانادى جانە 16-سى كەلەسى ءۇش جىلدا سايلاناتىن تارتىپپەن تاعايىندالادى. سەنات پارلامەنتتىڭ جوعارعى پالاتاسى بولىپ تابىلادى.

قامشى-اقپارات