ءۇندىستاننىڭ DNA اگەنتتىگىنىڭ ءجۋرناليسى شاحكار ابەدي قازاقستاندا سەكس-تۋريزمنىڭ تانىمال بوپ تۇرعانى تۋرالى جاريالانىمى ءۇشىن كەشىرىم سۇرادى، - دەپ حابارلايدى Tengrinews.kz ءتىلشىسى قازاقستاننىڭ ءۇندىستانداعى ەلشىلىگىنە سىلتەمە جاساپ. باسىلىم ءۇندىستاندىق ەر ادامداردىڭ كۋرورتتى ەلدەردەن گورى قازاقستاندى ارتىق كورەتىنى تۋرالى ماقالا جاريالاعان بولاتىن.

ءوزىنىڭ رەسمي مالىمدەمەسىندە ماقالا اۆتورى بولعان جاعداي ءۇشىن وكىنەتىنىن جانە ەندى قايتالامايتىنىن ايتتى. "مەن جازعان ماقالا تۋريزم يندۋسترياسى جەتەكشىلەرى مەن ينسايدەرلەرىنىڭ باقىلاۋلارىنا نەگىزدەلگەن ەدى، ويتكەنى ولار - تۋريستىك سالاداعى احۋالدى جاقسى باعالاي بىلەتىن اقپارات كوزدەرى. ماقالامدا مەن اتاعان ادامداردىڭ كوبى ونداي ترەندتىڭ شىن مانىندە بارىن ايتتى، مەن سول پىكىرلەردى ءبىر ماقالاعا بىرىكتىرگەن ەدىم، مەن دە ءۇندىستان مەن قازاقستاننىڭ تاتۋ ەلدەر، ستراتەگيالىق ارىپتەستەر ەكەنىنە سەنەمىن. ءسوز سوڭىندا كەلەشەكتە تۇسىنىكتەمەلەر جونىنەن ءارقاشان ءسىزدىڭ ەلشىلىككە حابارلاساتىن بولاتىنىما سەندىرگىم كەلەدى"، - دەيدى شاحكار ابەدي.

ەستەرىڭىزدە بولسا اتالعان ءۇندىستاندىق باسىلىم قازاقستاندى سەكس-تۋريزمنىڭ ورتالىعى رەتىندە كورسەتەتىن ماتەريال باسقان. بۇل ءوز كەزەگىندە قازاقستان ازاماتتارىنىڭ اۋىر نارازىلىعىن تۋعىزىپ، الەۋمەتتىك جەلىلەردە قاتاڭ تالقىلانعان ەدى. قازاقستاننىڭ يندياداعى ەلشىسى دۋلات قۋانىشيەۆ ەگەر بۇل باسىلىم قازاقستانداعى سەكس-تۋريزم تۋرالى اقپارات تەرىسكە شىعارىلاتىن بولسا، ماقالا اۆتورىنا قاتاڭ جازا قولدانۋدى تالاپ ەتپەيتىنىن ايتقان بولاتىن.

قامشى-اقپارات