كەشە، 6 شىلدە اقوردادا وتكەن ۇكىمەتتىڭ كەڭەيتىلگەن وتىرىسىندا ەلباسى نۇرسۇلتان نازاربايەۆ قازاقستان ۇكىمەتىنىڭ جاڭا قۇرامىن جاريا ەتىپ، قۇرىلىمداۋدان كەيىن 17 مينيسترلىكتىڭ 12ء-سى عانا قالاتىندىعىن جاريا ەتتى. ءبىز بۇعان دەيىن دە بۇل تۋرالى اقپارات بەردىك. ەندى قازاقپارات جاريالاعان ۇكىمەتتىڭ جاڭا قۇرامىن ۇسىنامىز:
قازاقستان رەسپۋبليكاسىنىڭ پرەمەر-مينيسترى كارىم ءماسىموۆ 1965 جىلى دۇنيەگە كەلگەن. بەيجىڭدە ءتىل ءبىلىمى ينستيتۋتىن، ۋحان زاڭ ۋنيۆەرسيتەتىن، قازاق مەملەكەتتىك باسقارۋ اكادەمياسىن بىتىرگەن. كولۋمبيا ۋنيۆەرسيتەتىندە (نيۋ-يورك) توپ-مەنەدجەرلەر دايارلاۋ باعدارلاماسىنان وتكەن. ەكونوميكا عىلىمدارىنىڭ دوكتورى. ورىس، قازاق، اعىلشىن، جۇڭگو، اراب تىلدەرىن مەڭگەرگەن. ق ر پرەمەر-مينيسترىنىڭ ورىنباسارى، ق ر پرەمەر-مينيسترىنىڭ ورىنباسارى - ق ر ەكونوميكا جانە بيۋدجەتتىك جوسپارلاۋ ءمينيسترى، ق ر پرەمەر-مينيسترى. ق ر پرەزيدەنتى اكىمشىلىگىنىڭ باسشىسى بولعان. 2014 جىلدىڭ ساۋىرىنەن - قازاقستان رەسپۋبليكاسىنىڭ پرەمەر-مينيسترى.
ق ر پرەمەر-مينيسترىنىڭ ءبىرىنشى ورىنباسارى باقىتجان ساعىنتايەۆ 1963 جىلى جامبىل وبلىسىندا دۇنيەگە كەلگەن. س.كيروۆ اتىنداعى قازاق مەملەكەتتىك ۋنيۆەرسيتەتىن بىتىرگەن، ەكونوميكا عىلىمدارىنىڭ كانديداتى. جامبىل وبلىسى اكىمىنىڭ ورىنباسارى، ق ر تابيعي مونوپوليالاردى رەتتەۋ اگەنتتىگىنىڭ ءتوراعاسى، ق ر پرەمەر-مينيسترى كەڭسەسىنىڭ باسشىسى، پاۆلودار وبلىسىنىڭ اكىمى ق ر ەكونوميكالىق دامۋ جانە ساۋدا ءمينيسترى، «نۇر-وتان» حدپ ءتوراعاسىنىڭ ءبىرىنشى ورىنباسارى، ق ر پرەمەر-مينيسترىنىڭ ءبىرىنشى ورىنباسارى - وڭىرلىك دامۋ ءمينيسترى قىزمەتتەرىن اتقارعان. 2013 جىلدىڭ 6 قاراشاسىندا مەملەكەت باسشىسىنىڭ جارلىعىمەن ق ر پرەمەر-مينيسترىنىڭ ءبىرىنشى ورىنباسارى بولىپ قايتا تاعايىندالعان.
ق ر پرەمەر-مينيسترىنىڭ ادامي دامۋ ماسەلەلەرى جونىندەگى ورىنباسارى گۇلشارا ءابدىقالىقوۆا 1965 جىلى تۋعان. جامبىل جەڭىل جانە تاماق ونەركاسىبى تەحنولوگيالىق ينستيتۋتىن بىتىرگەن، ەكونوميكا عىلىمدارىنىڭ كانديداتى. 1995 جىلدان باستاپ ق ر ەڭبەك جانە حالىقتى الەۋمەتتىك قورعاۋ مينيسترلىگىندە ەڭبەك ەتىپ، ءبولىم باستىعىنان باستاپ ۆيسە-مينيسترگە دەيىن ەڭبەك جولىنان ءوتتى. «مەملەكەتتىك اننۋيتەتتىك كومپانيا» اق باسقارماسىنىڭ ءتورايىمى قىزمەتىن اتقاردى. ەلىمىزدىڭ ەڭبەك جانە حالىقتى الەۋمەتتىك قورعاۋ مينيسترلىگىنىڭ جاۋاپتى حاتشىسى، ق ر پرەزيدەنتىنىڭ كەڭەسشىسى ق ر پرەزيدەنتى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى كوميسسيانىڭ ءتورايىمى، ق ر ەڭبەك جانە حالىقتى الەۋمەتتىك قورعاۋ ءمينيسترى قىزمەتتەرىنە تاعايىندالدى. ق ر پرەزيدەنتىنىڭ كەڭەسشىسى - ق ر پرەزيدەنتى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ ءتورايىمى بولدى. 2013 جىلدىڭ 28 قاراشاسىندا پرەزيدەنت جارلىعىمەن قازاقستان رەسپۋبليكاسى پرەمەر-مينيسترىنىڭ ورىنباسارى بولىپ تاعايىندالدى.
ق ر ۇلتتىق ەكونوميكا ءمينيسترى ەربولات دوسايەۆ 1970 جىلى 21 مامىردا تۋعان. الماتى ەنەرگەتيكالىق ينستيتۋتىن، باۋمان اتىنداعى ماسكەۋ مەملەكەتتىك تەحنيكالىق ۋنيۆەرسيتەتىن بىتىرگەن. ق ر پرەمەر-مينيسترى كەڭەسشىسى، ق ر ەنەرگەتيكا، يندۋستريا جانە ساۋدا ۆيسە-مينيسترى، قارجى ۆيسە-مينيسترى، قازاقستان دامۋ بانكى ديرەكتورلار كەڭەسىنىڭ ءتوراعاسى، ق ر تابيعي مونوپوليالار، باسەكەلەستىكتى قورعاۋ جانە شاعىن بيزنەستى قولداۋ اگەنتتىگىنىڭ ءتوراعاسى، ق ر دەنساۋلىق ساقتاۋ ءمينيسترى بولعان. مەملەكەت باسشىسىنىڭ 2013 جىلعى 16 قاڭتارداعى جارلىعىمەن ق ر ەكونوميكا جانە بيۋدجەتتىك جوسپارلاۋ ءمينيسترى بولىپ تاعايىندالعان.
ق ر دەنساۋلىق جانە الەۋمەتتىك دامۋ ءمينيسترى تامارا دۇيسەنوۆا 1965 جىلى وڭتۇستىك قازاقستان وبلىسىندا دۇنيەگە كەلگەن. تاشكەنت حالىق شارۋاشىلىعى بىتىرگەن، ەكونوميكا عىلىمدارىنىڭ كانديداتى. وڭتۇستىك قازاقستان وبلىسى اكىمىنىڭ ورىنباسارى، ق ر ەڭبەك جانە حالىقتى الەۋمەتتىك قورعاۋ ۆيسە-مينيسترى، وقو اكىمىنىڭ ورىنباسارى، ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ جاۋاپتى حاتشىسى، ۆيسە-مينيسترى بولعان. 2013 جىلدىڭ ماۋسىمىندا ق ر ەڭبەك جانە حالىقتى الەۋمەتتىك قورعاۋ ءمينيسترى بولىپ تاعايىندالعان.
مادەنيەت جانە سپورت ءمينيسترى ارىستانبەك مۇحامەدي ۇلى 1963 جىلى الماتى وبلىسىندا دۇنيەگە كەلگەن. قۇرمانعازى اتىنداعى قازاق ۇلتتىق كونسەرۆاتورياسىن، ق ر پرەزيدەنتى جانىنداعى مەملەكەتتىك باسقارۋدىڭ ۇلتتىق جوعارى مەكتەبىن، ءال-فارابي اتىنداعى قازاق ۇلتتىق ۋنيۆەرسيتەتىنىڭ اسپيرانتۋراسىن بىتىرگەن. ق ر مادەنيەت جانە اقپارات ۆيسە-مينيسترى، ق ر پرەزيدەنتى اكىمشىلىگىنىڭ الەۋمەتتىك-ساياسي ءبولىمىنىڭ باس ينسپەكتورى، ىشكى ساياسات ءبولىمىنىڭ مادەنيەت سەكتورى مەڭگەرۋشىسى بولدى. ت.جۇرگەنوۆ اتىنداعى قازاق ۇلتتىق ونەر اكادەمياسىنىڭ رەكتورى قىزمەتىن اتقارعان. 2014 جىلدىڭ 11 ناۋرىزىنان ق ر پرەزيدەنتى جارلىعىمەن ارىستانبەك مۇحامەدي ۇلى قازاقستان رەسپۋبليكاسىنىڭ مادەنيەت ءمينيسترى بولىپ تاعايىندالدى.
ينۆەستيسيا جانە دامۋ جونىندەگى ءمينيسترى اسەت يسەكەشيەۆ ءال-فارابي اتىنداعى قازاق ۇلتتىق ۋنيۆەرسيتەتىن، ق ر پرەزيدەنتى جانىنداعى جوعارى مەملەكەتتىك باسقارۋ مەكتەبىن بىتىرگەن. ق ر ستراتەگيالىق جوسپارلاۋ جانە رەفورمالار اگەنتتىگىندە، ەكونوميكا جانە بيۋدجەتتىك جوسپارلاۋ مينيسترلىگىندە جۇمىس ىستەدى. ق ر يندۋستريا جانە ساۋدا ءمينيسترى، ق ر پرەمەر-مينيسترىنىڭ ورىنباسارى - يندۋستريا جانە جاڭا تەحنولوگيالار ءمينيسترى بولدى. 2012 جىلدىڭ قىركۇيەگىنەن قازاقستان رەسپۋبليكاسى پرەمەر-مينيسترىنىڭ ورىنباسارى - قازاقستان رەسپۋبليكاسى يندۋستريا جانە جاڭا تەحنولوگيالار ءمينيسترى بولىپ تاعايىندالدى.
ەنەرگەتيكا ءمينيسترى ۆلاديمير شكولنيك 1949 جىلى ماسكەۋ وبلىسىندا دۇنيەگە كەلگەن. ماسكەۋ ينجەنەرلىك-فيزيكالىق ينستيتۋتىن بىتىرگەن. جاڭا قىزمەتكە تاعايىندالعانعا دەيىن «قازاتومونەركاسىپ» ۇاك» اق باسشىسى بولعان.
بۇرىنعى قىزمەتىندە قالعان مينيسترلەر:
قازاقستان رەسپۋبليكاسىنىڭ ءبىلىم جانە عىلىم ءمينيسترى اسلان ءسارىنجىپوۆ 1974 جىلى تۋعان. قازاق مەملەكەتتىك ەكونوميكالىق ۋنيۆەرسيتەتىن، وكلاحوما ۋنيۆەرسيتەتىن (اقش)، ۆەنا ديپلوماتيالىق اكادەمياسىن ءتامامداعان. ەكونوميكا عىلىمدارىنىڭ كانديداتى، جوعارعى ءبىلىمدى اكىمشىلەندىرۋ سالاسىنداعى پەنسيلۆانيا ۋنيۆەرسيتەتىنىڭ (اقش) دوكتورى. «نازاربايەۆ ۋنيۆەرسيتەتى» دەربەس ءبىلىم بەرۋ ۇيىمى اتقارۋشى كەڭەسىنىڭ ءتوراعاسى بولدى. 2013 جىلعى 2 قىركۇيەكتە قازاقستان رەسپۋبليكاسى پرەزيدەنتىنىڭ جارلىعىمەن قازاقستان رەسپۋبليكاسىنىڭ ءبىلىم جانە عىلىم ءمينيسترى بولىپ تاعايىندالدى.
قازاقستان رەسپۋبليكاسىنىڭ اۋىل شارۋاشىلىعى مينيسترi اسىلجان مامىتبەكوۆ 1968 جىلى وڭتۇستىك قازاقستان وبلىسىندا دۇنيەگە كەلگەن. ءال-فارابي اتىنداعى قازاق مەملەكەتتىك ۋنيۆەرسيتەتى مەن قازاق مەملەكەتتىك باسقارۋ اكادەمياسىن بىتىرگەن. قوستاناي وبلىسى اكىمىنىڭ ورىنباسارى، استانا قالاسى اكىمىنىڭ ورىنباسارى، وڭتۇستىك قازاقستان وبلىسى اكىمىنىڭ ورىنباسارى، ق ر پرەمەر-مينيسترى كەڭسەسى باسشىسىنىڭ ورىنباسارى، «قازاگرو» ۇلتتىق باسقارۋ حولدينگى» اق باسقارما ءتوراعاسى بولعان. 2011 جىلدىڭ ءساۋىر ايىنان باستاپ - ق ر اۋىل شارۋاشىلىعى ءمينيسترى.
ق ر ادىلەت ءمينيسترى بەرىك يماشيەۆ 1960 جىلى تۋعان. م.لومونوسوۆ اتىنداعى ماسكەۋ مەملەكەتتىك ۋنيۆەرسيتەتىن بىتىرگەن. قۇقىقتانۋشى، زاڭ عىلىمدارىنىڭ كانديداتى. ق ر پرەزيدەنتىنىڭ كومەكشىسى - قاۋىپسىزدىك كەڭەسىنىڭ حاتشىسى بولىپ قىزمەت اتقارعان. ق ر پارلامەنتى سەناتىنىڭ دەپۋتاتى - كونستيتۋسيالىق زاڭناما، سوت جۇيەسى جانە قۇقىق قورعاۋ ورگاندارى كوميتەتىنىڭ ءتوراعاسى بولعان قازاقستان رەسپۋبليكاسى پرەزيدەنتىنىڭ 2012 جىلعى 20 قاڭتارداعى جارلىعىمەن قازاقستان رەسپۋبليكاسى ءادiلەت مينيسترi بولىپ تاعايىندالعان.
ق ر قارجى ءمينيسترى باقىت سۇلتانوۆ 1971 جىلى الماتى قالاسىندا تۋعان. قازاق ۇلتتىق تەحنيكالىق ۋنيۆەرسيتەتىن جانە قازاق مەملەكەتتىك باسقارۋ اكادەمياسىن بىتىرگەن. ق ر ەكونوميكا جانە بيۋدجەتتىك جوسپارلاۋ ءمينيسترىنىڭ ورىنباسارى، ق ر ستاتيستيكا اگەنتتىگىنىڭ ءتوراعاسى، ق ر قارجى ءمينيسترىنىڭ ورىنباسارى، ق ر ەكونوميكا جانە بيۋدجەتتىك جوسپارلاۋ ءمينيسترى، ق ر پرەزيدەنتىنىڭ كومەكشىسى، ق ر پرەزيدەنتى اكىمشىلىگى باسشىسىنىڭ ورىنباسارى بولعان.
ق ر سىرتقى ىستەر ءمينيسترى ەرلان ىدىرىسوۆ 1959 جىلى تۋعان. ماسكەۋ مەملەكەتتىك حالىقارالىق قاتىناستار ينستيتۋتىن، كسرو ءسىم ديپلوماتيالىق اكادەمياسىن بىتىرگەن. اعىلشىن، حيندي، ۋردۋ جانە فرانسۋز تىلدەرىن مەڭگەرگەن. 2002 جىلعى ماۋسىمنان - قر-نىڭ ۇلىبريتانيا بىرىككەن كورولدىگى مەن سولتۇستىك يرلاندياداعى توتەنشە جانە وكىلەتتى ەلشىسى بولىپ، سونىمەن بىرگە قر-نىڭ شۆەسيا كورولدىگىندەگى، نورۆەگيا كورولدىگىندەگى، يرلانديا رەسپۋبليكاسىنداعى توتەنشە جانە وكىلەتتى ەلشىسى مىندەتىن قوسا اتقارعان. 2007 جىلعى شىلدەدەن باستاپ - قر-نىڭ امەريكا قۇراما شتاتتارىنداعى توتەنشە جانە وكىلەتتى ەلشىسى بولدى جانە برازيليا فەدەراتيۆتىك رەسپۋبليكاسىنداعى توتەنشە جانە وكىلەتتى ەلشىسى مىندەتىن قوسا اتقاردى. 2012 جىلعى 28 قىركۇيەكتەن باستاپ - ق ر سىرتقى ىستەر ءمينيسترى.
قازاقستان رەسپۋبليكاسىنىڭ قورعانىس ءمينيسترى سەرىك احمەتوۆ 1958 جىلى قاراعاندى وبلىسىندا تۋعان. رەسەي باسقارۋ اكادەمياسىنىڭ اسپيرانتۋراسىن بىتىرگەن. تەمىرتاۋ قالاسىنىڭ اكىمى، استانا قالاسى اكىمىنىڭ ءبىرىنشى ورىنباسارى، ق ر پرەزيدەنتى اكىمشىلىگىنىڭ ۇيىمداستىرۋ-باقىلاۋ جۇمىسى جانە كادر ساياساتى باسقارماسى مەملەكەتتىك ينسپەكسياسىنىڭ مەڭگەرۋشىسى، قازاقستاننىڭ كاسىپكەرلەر مەن جۇمىس بەرۋشىلەرىنىڭ «اتامەكەن» وداعىنىڭ باسقارما ءتوراعاسى، ق ر كولىك جانە كوممۋنيكاسيالار ءمينيسترى، ق ر پرەمەر-مينيسترىنىڭ ورىنباسارى بولىپ جۇمىس ىستەدى. قاراعاندى وبلىسىنىڭ اكىمى، ق ر پرەمەر-مينيسترىنىڭ ءبىرىنشى ورىنباسارى، ق ر پرەمەر-مينيسترى بولدى. 2014 جىلدىڭ ءساۋىر ايىنان باستاپ - قازاقستان رەسپۋبليكاسىنىڭ قورعانىس ءمينيسترى.
قازاقستان رەسپۋبليكاسىنىڭ Iشكi iستەر مينيسترi قالمۇحانبەت قاسىموۆ 1957 جىلى تۋعان. س.كيروۆ اتىنداعى قازاق مەملەكەتتىك ۋنيۆەرسيتەتىن بىتىرگەن. ق ر ىشكى ىستەر ءمينيسترىنىڭ ءبىرىنشى ۆيسە-مينيسترى، ۆيسە-مينيسترى، شىعىس قازاقستان وبلىستىق ىشكى ىستەر دەپارتامەنتىنىڭ باستىعى قىزمەتتەرىن اتقارعان. 2011 جىلعى ءساۋىر ايىنان - قازاقستان رەسپۋبليكاسىنىڭ ىشكى ىستەر ءمينيسترى.
