"قامشى" پورتالىنىڭ  كەزەكتى ينتەرنەت-كونفەرەنسيا قوناعى -  ەرمەك نارىمبايەۆ وقىرمانداردان كەلىپ تۇسكەن سۇراقتاردىڭ العاشقى لەگىنە جاۋاپ بەردى.

ەرمەك نارىمبايەۆ  1970 جىلى، 23 شىلدەدە قوستاناي وبلىسى، ۇزىنكول اۋدانى، ەرشوۆكا اۋىلىندا تۋعان.  2009 جىلى «ارمان» ۇلتتىق پاتريوتتىق قوزعالىسىن قۇردى.  2010 جىلى 23 شىلدەدە كەيبىر قازىرگى اتقارۋشى بيلىككە نارازى  كوزقاراستارى ءۇشىن 4 جىلعا سوتتالىپ، جازاسىن جالپى رەجيمدەگى كولونيادا وتەۋگە كەسىلدى.  تاۋەلسىزدىك 20 جىلدىعىنا بايلانىستى راقىمشىلىقپەن 2012 جىلى 25 اقپاندا بوساتىلدى.

ەرمەك نارىمبايەۆ بوستاندىققا شىققان سوڭ دا ازاماتتىق پوزيسياسىنان تانعان جوق. ول قازىرگى ۋاقىتتا الماتىداعى «جۇمىسشىلار مەن جۇمىسسىزدار» وداعىن باسقارادى. ءتۇرلى ساياسي وقيعالارعا بەلسەندى ءۇن قاتىپ كەلە جاتقان  ەرمەك نارىمبايەۆ ەكىنشى دەڭگەيلى بانكتەردىڭ كرەديتتىك جۇيەسىن قاتاڭ سىناۋشى.

وقىرمانداردان كەلىپ تۇسكەن ساۋالدارعا تولىق جاۋاپ الداعى كۇندەردە جاريالاناتىن بولادى.