بۇل جونىندە ق ر ءبىلىم جانە عىلىم مينيسترلىگى بالالاردىڭ قۇقىقتارىن قورعاۋ كوميتەتى ءتوراعاسىنىڭ مىندەتىن اتقارۋشى اياش ماكەنوۆا «مەكتەپكە جول» شاراسىنىڭ باستالۋى قارساڭىندا ءمالىم ەتكەن:
«ءبىز «مەكتەپكە جول» اكسياسى اياسىندا بالالاردى تەك كيىندىرىپ قانا قويماي، سونىمەن قاتار بالالاردىڭ ساپالى ءبىلىم الۋلارىنا كەدەرگىسىز جەتۋ مۇمكىندىكتەرىن دە جان-جاقتى قاراستىرامىز. سولاردىڭ ءبىرى مەكتەپكە الىس اۋدانداردا تۇراتىن بالالاردىڭ وقۋعا ءقاۋىپسىز جەتۋىن قاداعالاۋ. قازىرگى تاڭدا رەسپۋبليكا بويىنشا ءبىلىم وردالارى جوق 1591 ەلدىمەكەن بار. سول ايماقتاردا تۇراتىن بالالاردىڭ بارلىعى مەكتەپكە كەلىپ كەتۋگە مۇقتاج. ءبىز سول ەلدىمەكەندەردىڭ اكىمدەرىمەن بىرلەسە وتىرىپ بالالاردى مەكتەپكە الىپ بارۋ جانە قايتىپ الىپ كەلۋ ماسەلەلەرىن تالقىلاۋدامىز. ول دەگەنىمىز كولىكتەردىڭ دۇرىس بولۋى، قاجەت جاعدايدا جاڭا اۆتوبۋستار ساتىپ الۋعا مۇمكىندىك جاساۋ جانە ءبىزدىڭ بالالارىمىزدىڭ ومىرىنە جاۋاپتى جۇرگىزۋشىنىڭ ءوز ءىسىنىڭ مامانى بولۋىن قاداعالاۋ. ياعني، بالالاردىڭ «مەكتەپكە جولىن» شىنىمەن دە ءقاۋىپسىز ەتۋ»
Baq.kz حابارلاعانىندايببۇگىن قازاقستان رەسپۋبليكاسى ءبىلىم جانە عىلىم مينيسترلىگى «مەكتەپكە جول» جالپى رەسپۋبليكالىق قايىرىمدىلىق اكسياسىن وتكىزەتىندىگىن جاريالادى. 6 جىل قاتارىنان وتكىزىلىپ جاتقان بۇل اكسيا اياسىندا 2 ميلليونعا جۋىق بالا جالپى سومماسى 8 ملرد 300 ملن تەڭگە كولەمىندە ماتەريالدىق كومەك الدى. ونىڭ ىشىندە دەمەۋشىلەر مەن مەسەناتتار جالپى سومماسى 3،3 ملرد تەڭگە كولەمىندە قولداۋ كورسەتكەن.
قامشى-اقپارات
