2008 جىلدان باستاپ ءاربىر ەكى جىلدا ورتالىق ۆەنگريانىڭ بۋگاس قالاسىندا وتكىزىلىپ كەلە جاتقان قۇرىلتاي كەزەكتى رەت بيىلعى جىلدىڭ 7-10 تامىزىندا ءوتتى. بيىل 160 مىڭنان استام ادام قاتىستى. ونىڭ ىشىندە 10 مىڭى شەتەلدىك قوناقتار. اتالمىش قۇرىلتاي نەگىزىنەن كونە داستۇرلەردىڭ ساقتالۋ، ەجەلگى ماجارلىق جانە وزگە دە كوشپەندى دالا مادەنيەتتەرىنىڭ قايتا جاڭارۋ سالتاناتى، ۇلى اتا-بابالاردى ەسكە الۋ تويى رەتىندە وتكىزىلىپ كەلەدى. بۇگىنگى كۇنى قۇرىلتاي ماجارلىق داستۇرلەردى ساقتاۋ ماقساتىندا ۇيىمداستىرىلاتىن ەڭ ءىرى ءىس-شارالاردىڭ ءبىرى. ول ماجارلىقتارعا تاريحي جانە مادەني بايلانىستار ارقىلى تۋىس بولىپ سانالاتىن كوپتەگەن شىعىس حالىقتارىنا ءوز قۇشاعىن قۋانا جايادى. ولار ءوز تاريحىن تەك جاتقا عانا ءبىلىپ قويماي، ونىمەن ماقتانىپ، ۇلگى تۇتادى. ەلدە تاريحي قارۋ جاراقتار مەن جابدىقتاردى جاسايتىن ەكى ونەركاسىپ زاۋىدتارى جانە جۇزدەگەن شەبەرحانالار جۇمىس ىستەيدى. 2012 جىلى ۆەنگەر دەلەگاسياسى اتا-بالالارىنىڭ رۋحىنا تاعزىم ەتىپ، بۇگىنگى كۇنى ءمادياردىڭ ۇرپاقتارى تۇراتىن قوستاناي وبلىسىنىڭ جانگەلدى اۋدانىنىڭ ساعا اۋىلىنا «ءومىر اعاشى «بايتەرەك»» مونۋمەنتىن ورناتقان.

قۇرىلتايعا قاتىسۋشىلاردىڭ كوبىسى ءوزىن تۇراندىق، ياعني كوشپەندىلەردىڭ ۇرپاعى رەتىندە تانىتادى ۇلتتىق ناقىشتاعى كيىم مەن جابدىقتاردا بولدى. تۇران حالىقتارى قۇرىلتايىنىڭ وزگە قۇرىلتايلاردان باستى ەرەكشەلىگى تۇركى حالىقتارىنىڭ باسىن قوسۋدى كوزدەيتىندىگىندە. قازاقستاننىڭ بۇل قۇرىلتايعا قاتىسۋشىلار وپۋستەر ۇلتتىق تاريحي مەموريالدىق پاركى ىشىندەگى ساياحاتقا قاتىسىپ، بۋگاس قالاسىنىڭ ماڭىندا «اتتيلا» كيىز ءۇيىنىڭ اشىلۋ سالتاناتىن، «شىعىس قۇيىنى» شايقاسىنىڭ كورسەتىلىمىن، قۇرىلتايدىڭ كونسەرتتىك جانە ات ۇستىندەگى سپورت باعدارلامالارىن تاماشالادى. سونىمەن قاتار قازاقستان رەسپۋبليكاسىنىڭ ۆەنگرياداعى ەلشىلىگىنىڭ ۇيىمداستىرۋىمەن بۋداپەشتتە "Varosliget" ساياباعىنداعى استانا كوشەسىندە ورنالاسقان اباي قۇنانباي ۇلىنىڭ مۇسىنىنە گۇل شوعىن قويدى. Baq.kz سايتى اتالمىش قۇرىلتاي تۋرالى تولىقتاي جازىپ فوتوبايان جاريالادى. تۇران حالىقتارى قۇرىلتايىنان فوتو ەستەلىكتەردى نازارلارىڭىزعا ۇسىنامىز.

قامشى-اقپارات