الماتىدا قازاقستاننىڭ مەملەكەتتىك تۋىنىڭ اۆتورى شاكەن نيازبەكوۆ دۇنيەدەن ءوتتى، - دەپ حابارلايدى Tengrinews.kz  الماتى قالالىق اكىمدىگىنىڭ ىشكى ساياسات بولىمىنە سىلتەمە جاساي وتىرىپ.

شاكەن نيازبەكوۆ 76 جاسقا قاراعان شاعىندا 15 تامىزدان 16 تامىزعا قاراعان ءتۇنى قايتىس بولدى. قوعام قايراتكەرىمەن  قوشتاسۋ ءراسىمى 18 تامىز كۇنى ءابىلحان قاستەيەۆ اتىنداعى مۇراجايدا وتەدى.

شاكەن نيازبەكوۆ 1938 جىلى 12 قازاندا جامبىل قالاسىندا (تاراز) تۋعان. لەنينگرادتىڭ ۆ.ي.مۋحين اتىنداعى جوعارى كوركەم-ونەركاسىپتىك ۋچيليششەسىن ءتامامداعان.

ول كەزىندە مەملەكەت جانە قوعام قايراتكەرى، الماتىنىڭ "قۇرمەتتى ازاماتى" دەگەن ماراپاتقا لايىق دەپ تانىلدى. 1992 جىلى شاكەن نيازبەكوۆ  قازاقستاننىڭ مەملەكەتتىك تۋىنىڭ اۆتورى اتاندى. سونداي-اق ول الماتىنىڭ ەلتاڭباسى مەن باۋىرجان مومىش ۇلى مونۋمەنتىنىڭ دە اۆتورى. بۇعان قوسا شاكەن نيازبەكوۆ كەڭەستىك كەزەڭدە  "ۆولگو" اۆتوكولىگىنىڭ ديزاينىن جاساۋشىلاردىڭ قۇرامىنا دا قاتىسقان. 

قامشى-اقپارات