ۋكراينانىڭ سىرتقى ىستەر ءمينيسترى پاۆەل كليمكين نەمىستىڭ Deutschlandfunk راديوستانسياسىنا بەرگەن سۇقباتىندا ەۋروپالىق وداق پەن ناتو-دان اسكەري كومەك سۇرايتىنىن جەتكىزدى، بۇل تۋرالى Tengrinews جاڭالىقتارى جازدى.

راديو ءجۋرناليسىنىڭ ۋكراينا ەو پەن ناتو-دان كومەك سۇراۋعا ءازىر مە؟ دەگەن سۇراعىنا كليمكين: "ارينە، بىزگە اسكەري كومەك كەرەك. بۇل ماسەلە بويىنشا كومەك كورسەتىلەتىن بولسا، ءبىزدىڭ بولىمشەلەردىڭ جەر جەردە ارەكەت ەتۋ جەڭىلدەي تۇسەدى. ءقازىر ۋكراينا، رەسەي جانە ەۋروپاداعى ىنتىماقتاستىق جانە قاۋىپسىزدىك ۇيىمدارىنىڭ (ەىقۇ) ايماقتىق بايلانىس توپتارى قۇرىلعانىنا قاراماستان دونەسك پەن لۋگانسك وكىلدەرىمەن بايلانىسقا شىعۋ مۇمكىن بولماي تۇر "،  - دەگەن. كليمكيننىڭ ويىنشا، بار ماسەلە ەلدىڭ شىعىسىنداعى رەسەي جاساقتارىندا بولىپ وتىر. ولار ۋكراين اسكەريلەرىمەن كەلىسسوز جۇرگىزۋگە قۇلىق تانىتپاۋدا. سونداي-اق ول قىركۇيەكتىڭ باسىندا وتكەلى وتىرعان ناتو سامميتىندە "رەفورما جانە قارۋلى كۇشتەرگە ۇلكەن كومەككە" مۇقتاج بولىپ وتىرعان ۋكرايناعا ساياسي قولداۋ كورسەتىلەتىنىنە سەنەتىنىن ايتتى.

قامشى-اقپارات