قازاقستاندا ءبىرقاتار ازىق-تۇلىك تاۋارى قۇننىڭ ارتۋى بايقالدى. قزاقپاراتتىڭ جازۋىنشا بۇل تۋرالى بۇگىن ق ر پرەزيدەنتى جانىنداعى ورتالىق كوممۋنيكاسيالار قىزمەتىندە وتكەن بريفينگتە ق ر ۇلتتىق ەكونوميكا مينيسترلىگى ستاتيستيكا كوميتەتىنىڭ ءتوراعاسى ءاليحان سمايىلوۆ ءمالىم ەتكەن.

«تولىقتاي العاندا، بىزدە جىل باسىنان بەرى باعا 4،9 پايىزعا كوتەرىلدى. بۇل تۇتىنۋشىلىق سەبەتىن تولىقتاي العانداعى جايت. ال وزدەرىڭىز دە بىلەتىندەي، تۇتىنۋشىلىق سەبەتىنە ازىق-تۇلىك تاۋارلارىمەن قاتار، ازىق-تۇلىكتىك ەمەس تاۋارلار، اقىلى قىزمەتتەر كىرەدى. دەگەنمەن، ءبىرقاتار ازىق-تۇلىك تاۋارى، ءبىرىنشى كەزەكتە جەمىس-جيەكتەر مەن كوكونىستەردىڭ باعاسى باسقا تاۋارلار مەن قىزمەتتەرگە قاراعاندا ءبىرشاما قىمباتتادى. ال كەيبىرى، ماسەلەن، قيار مەن قىزاناق باعاسى تومەندەدى»، - دەپ جاۋاپ بەرگەن كوميتەت باسشىسى ب ا ق وكىلدەرىنىڭ ساۋالىنا وراي.

ونىڭ اتاپ وتۋىنشە، اعىمداعى جىلدىڭ 7 ايىندا رەسپۋبليكاداعى ينفلياسيا 4،9 پايىزدى قۇرادى. سوڭعى 7 ايدىڭ ىشىندە پياز - 72، ءسابىز - 65، كارتوپ - 45، قانت - 22، قىزىلشا - 21 پايىزعا قىمباتتاعان.

 قامشى-اقپارات