قازاقستان رەسپۋبليكاسى پارلامەنتى پالاتالارىنىڭ بىرلەسكەن وتىرىسى قىركۇيەكتىڭ 2-سىندە وتەدى، - دەپ حابارلايدى Tengrinews.kz  ءماجىلىستىڭ باسپا ءسوز قىزمەتىنە سىلتەمە جاساپ.

"قازاقستان رەسپۋبليكاسى كونستيتۋسياسىنىڭ 58-بابى، 4-تارماعىنىڭ 2) تارماقشاسىنا سايكەس، قازاقستان رەسپۋبليكاسى پارلامەنتى پالاتالارىنىڭ بىرلەسكەن وتىرىسى 2014 جىلعى 2 قىركۇيەكتە، ساعات 11-دە استانا قالاسىندا شاقىرىلسىن"، - دەلىنگەن ءماجىلىس ءتوراعاسى قابيبوللا جاقىپوۆتىڭ وكىمىندە. ءماجىلىستىڭ باسپا ءسوز قىزمەتى جاريالاعان قۇجاتتا بىرلەسكەن وتىرىستىڭ كۇن ءتارتىبى كورسەتىلمەپتى. ايتا كەتەتىن بولساق زاڭ شىعارۋشى ورگاننىڭ دەپتۋتتارى ءقازىر جازدىق دەمالىستا.

ەسكە سالا كەتەيىك، قازاقستان پارلامەنتى - رەسپۋبليكانىڭ زاڭ شىعارۋشى جوعارعى وكىلەتتى ورگانى. ول قوس پالاتادان تۇرادى: سەنات جانە ءماجىلىس. تومەنگى پالاتانىڭ بەسىنشى شاقىرىلىمىنىڭ قۇرامى 2012 جىلدىڭ قاڭتارىندا بەكىتىلدى. كونستيتۋسيالىق نورمالارعا سايكەس، 2008-2011 جىلدارى سايلانىپ، ق ر پرەزيدەنتى 2007-2011 جىلدارى بەكىتكەن سەنات دەپۋتاتتارى بەسىنشى شاقىرىلىمدا وكىلەتتىكتەرىن جالعاستىردى. 

قامشى-اقپارات