«قازاق ىشىنە كىم كەلەدى؟ ونان قاشقان، مۇننان قاشقان، جاماندىقپەن كوزىن اشقان كەلەدى. جانە سونىڭ ءبارى دە قازاقتى جەر-كوككە سىيعىزباي ماقتاي كەلەدى: ءدىن دە سەندە، اۋليەلىك تە سەندە، ادامگەرشىلىك تە سەندە دەپ». 1912-جىلى ءماشھۇر ءجۇسىپ اتامىز وسىلاي دەپ ەدى... 
ايتىپ-ايتپاي نە كەرەك، كەزىندە ءماشھۇر اتامىز ايتقان جات پيعىلدىلاردان دەر كەزىندە قورعانا المادىق. ناتيجە مىناۋ: 1990-شى جىلدارى ەلىمىزدە 670 ءدىني بىرلەستىك بولسا، 2008-دە 4،5 مىڭعا جۋىقتادى. ءقازىر جاڭا «ءدىن تۋرالى» زاڭ قابىلدانعالى، 17 كونفەسسيانى قۇرايتىن 3888 ۇيىم قايتا تىركەلىپ، ءدىني بىرلەستىكتەر سانى 32 پايىزعا قىسقاردى. ءقازىر ارامىزدا كىم جوق - كريشنايد، يەگوۆو كۋاگەرلەرى، ساتانالىقتار ايتەۋىر تولىپ جاتىر. نەگىزى بۇل ماسەلە، وسىدان 4 -5 جىل بۇرىن قولعا الىنىپ، سەكتانتتار قۋىلا باستاپ ەدى. 2010-شى جىلى وبسە-گە ءتوراعالىعىمىز ءبارىن قۇرتىپ كەتتى. توللەرانتتى ەلدە - ءدىني شەكتەۋ دەگەن بولماۋى كەرەك ەكەن. سوعان سايكەس، ويبايلاپ ءجۇرىپ، سەكتانتتارعا قايتا ەسىك اشتىق. ونان قاشقان، مۇننان قاشقاندار تامىرىن جايا ءتۇستى. ول ءتوراعالىق ءوتتى كەتتى... بىرەۋلەر ىشتى-جەدى... قۇر قاعاز جۇزىندە قالعان "استانا دەكلاراسياسى" بۇكىل الەمدە تىنىشتىق ورناتا قويمادى. وبسە-نىڭ مارتەبەسى كەمىمەسە، وسە قويعان جوق... سوندا ۇتىلعان كىم، ۇتقان كىم؟ ەندى وتىرىسىمىز مىناۋ - ەلگە ءقاۋىپتى جات دىندىلەرمەن الىسىپ...

"Facebook" الەۋمەتتىك جەلىدەگى پاراقشاسىنان.