ق ر وكىلدىگى رەسەيدەگى Ren-TV تەلەارناسىنا رەسمي حات جولداپ، "112" اقپاراتتىق باعدارلاماسىندا كەتكەن قاتەلىكتى ءتۇسىندىرىپ بەرۋدى تالاپ ەتپەك. سەبەبى اتالعان باعدارلاما جەدەل مەديسينالىق جاردەم جۇرگىزۋشىسىن سوققىعا جىققان قازاقستاندىق بيزنەسمەن تۋرالى ايتقان كەزدە پارلامەنت سەناتىنىڭ ءتوراعاسى قاسىم-جومارت توقايەۆتىڭ فوتوسىن كورسەتكەن. Tengrinews.kzء-تىڭ جازۋىنشا  ق ر سىرتقى ىستەر مينيسترلىگىنىڭ باسپا ءسوز حاتشىسى نۇرجان ايتماحانوۆ بۇل ءىس بويىنشا قازاقستاننىڭ رەسەيدەگى ەلشىلىگى اينالىسىپ جاتقانىن ايتىپتى. ياعني Ren-TV تەلەارناسىنىڭ باسشىلىعىنا  رەسمي حات  دايىندالعان. نۇرجان ايتماحانوۆ: "ولار ماسەلەسىن ءمان-جايىن ءتۇسىندىرىپ بەرۋى ءتيىس. ەگەر اقپارات وتسە، ونى جوققا شىعارىپ، مالىمدەمە جاساۋى شارت"، - دەيدى.

اتالعان ارنادا سيۋجەتتە ايتىلعان وقيعا 22 تامىزدا بولعان. شاقىرتۋ بويىنشا كەلگەن دارىگەرلەر بريگاداسى Rolls-Royce اۆتوكولىگىنىڭ جولىن بوگەگەن. شەتەلدىك كولىكتىڭ يەسى جانجال شىعارىپ، "جەدەل جاردەم" جۇرگىزۋشىسىن ۇرىپ-سوققان. Rolls-Royce قوجايىنىنا بىرنەشە ەر ادام كومەككە كەلەدى. ولاردىڭ ارەكەتىنەن جۇرگىزۋشىگە اراشا تۇسكەن فەلدشەر دە تاياق جەپ قالدى. 26-27 تامىز كۇندەرى كورسەتىلگەن "112" باعدارلاماسىندا جۋرناليستەر Rolls-Royce يەسى تۋرالى تولىق اڭگىمەلەمەك بولىپ، سيۋجەتتەگى كۇدىكتىنىڭ ماسكەۋدىڭ 55 جاستاعى تۇرعىنى دەگەن،  كۇدىكتى رەتىندە قاسىم-جومارت توقايەۆتىڭ سۋرەتى كورسەتىلىپ، ال كادر سىرتىنداعى جۇرگىزۋشى "مىنە، مىناۋ – استانانىڭ (ماسكەۋدىڭ) 55 جاستاعى تۇرعىنى جومارت قامەنوۆ" دەپ داۋىستاعان. ءتىپتى جۋرناليستەر "قازاقستاندىق بيزنەسمەننىڭ ۇيىنە ميليسيانىڭ ءجيى كەلەتىنىن" ايتىپ، كورشىلەرىنىڭ Rolls-Royce قوجايىنىن "قىزۋقاندى قازاق" دەگەن پىكىرىن كورەرمەنگە ۇسىنعان.

ءقازىر ق ر ءسىم اتالعان جومارت قامەنوۆ ەسىمدى قازاقتىڭ قاي ەلدىڭ ازاماتى ەكەنىن انىقتاپ جاتقان كورىنەدى.

قامشى-اقپارات