قازاقستاننىڭ حالىقارالىق بانكتەر الدىنداعى قارىزى 4 ملرد. اقش دوللارىن قۇرادى. بۇل تۋرالى ق ر قارجى مينيسترلىگى مەملەكەتتىك قارىز الۋ دەپارتامەنتىنىڭ ديرەكتورى قۋات اقجانوۆ ءمالىم ەتكەن. قازاقپاراتتىڭ حابارلاۋىنشا، دەپارتامەنت ديرەكتورى ءوز سوزىندە: «2014 جىلعى 1 شىلدەدەگى جاعداي بويىنشا حالىقارالىق بانكتەر (حالىقارالىق دامۋ جانە قايتۋ قۇرۋ بانكى، ازيالىق دامۋ بانكى، ەۋروپالىق دامۋ بانكى، يسلام دامۋ بانكى) الدىنداعى مەملەكەتتىك (ۇكىمەتتىك) قارىز 4 ملرد. اقش دوللارىن قۇرادى نەمەسە ۇكىمەتتىڭ جالپى سىرتقى قارىزىنان 81،3 پايىزدى قامتىدى»، — دەدى.

قارجى مينيسترلىگىنىڭ مالىمەتىنشە، 2014 جىلعى 1 شىلدەدەگى جاعداي بويىنشا مەملەكەتتىك قارىز 4 833،4 ملرد. تەڭگە(26،3 ملرد. اقش دوللارى). مەملەكەتتىك بورىشتىڭ جالپى كولەمىندە ۇكىمەتتىك قارىزدىڭ ۇلەسى 99،5 پايىزدى قامتيدى. ق.اقجانوۆتىڭ ايتۋىنشا، سوڭعى جىلدارى قازاقستاننىڭ مەملەكەتتىك قارىزىنىڭ دەڭگەيى شەكتەن اسپاعان. ۇكىمەتتىك قارىز دەڭگەيى مەن وتەۋ اعىمى ءقاۋىپسىز دەڭگەيدە.

قامشى-اقپارات