اقمولا وبلىسىنىڭ كالاچي ەلدى مەكەنىندە "ەتيولوگياسى بەيمالىم ەنسەفالوپاتيا" بەلگىلەرى تاعى ءۇش ادام اۋرۋحاناعا جاتقىزىلدى، - دەپ حابارلايدى Tengrinews.kz

64 جاستاعى ايەل مەن 12 جانە 17 جاستاعى ەكى ءجاسوسپىرىم وتكەن سارسەنبى كۇنى ەسىل اۋداندىق اۋرۋحاناسىنا جاتقىزىلعان. 2 قىركۇيەكتەگى مالىمەت بويىنشا، ەلدى مەكەندە ۇيقىشىلدىق اتالىپ كەتكەن كەسەلمەن بارلىعى 15 ادام اۋرۋحاناعا تۇسكەن. جالپى بۇل بەيمالىم اۋرۋمەن اۋىرعانداردىڭ سانى 60-تان اcتى.

كالاچيدە تۇرعىندارىنان ۇيقىشىلدىق، ۇمىتشاقتىق جانە گالليۋسيناسيا بەلگىلەرى وتكەن جىلدىڭ ناۋرىز ايىنان بەرى انىقتالا باستادى. ولاردىڭ بارىنە "ەتيولوگياسى بەيمالىم ەنسەفالوپاتيا" دەگەن دياگنوز قويىلدى. دەنساۋلىق ساقتاۋ مينيسترلىگىنىڭ ءتۇرلى كوميسسيالارىنىڭ، رادياسيالىق مەديسينا جانە ەكولوگيا عىلىمي-زەرتتەۋ ينستيتۋتى، قاراعاندى ەڭبەك گيگيەناسى جانە كاسىبي اۋرۋلار عىلىمي-زەرتتەۋ ورتالىعى عالىمدارىنىڭ جانە باسقا دا مامانداردىڭ كوپ زەرتتەۋ جۇرگىزگەنىنە قاراماستان، اۋىلداعى بەيمالىم اۋرۋدىڭ سەبەپتەرى ءالى انىقتالعان جوق.

 680 تۇرعىنى بار كالاچي ەلدى مەكەنى كراسنوگور اۋىلدىق وكرۋگىنە قارايدى، ول بۇرىنعى قالا تيپىندەگى ەلدى مەكەن - كراسنوگورسكىدەن 600 مەتر قاشىقتىقتا. بۇل قالاشىقتا كەزىندە 6،5 مىڭ ادام تۇردى، ولاردىڭ باسىم كوپشىلىگى - شاحتەرلەر. ەلدى مەكەن كسرو-نىڭ رۋدا ونەركاسىبى باسقارماسىنا قارادى، 60-90 جىلدارى اۋىل ماڭىنان ۋران ءوندىرىلدى. ۋران ءوندىرىسى 1991-1992 جىلدارى توقتاپ، شاحتالار جابىلدى.

قامشى-اقپارات