ق ر پارلامەنتى سەناتىنىڭ ءتوراعاسى قاسىم-جومارت توقايەۆ دەپۋتاتتىق كانيكۋل مەرزىمىن قىسقارتۋ تۋرالى شەشىم قابىلداۋعا شاقىردى. بۇل تۋرالى قازاقپارات جازدى. بەسىنشى شاقىرىلعان پارلامەنتتىڭ ءتورتىنشى سەسسياسىنىڭ اشىلۋ بارىسىندا ق ر پرەزيدەنتى نۇرسۇلتان نازاربايەۆ جازعى دەپۋتاتتىق كانيكۋل مەرزىمىن قىسقارتۋ تۋرالى ايتقان بولاتىن.
«مەن مەملەكەت باسشىسىنىڭ دەپۋتاتتىق كانيكۋل مەرزىمىن قىسقارتۋ تۋرالى وتىنىشىنە تۇسىنىستىكپەن قاراپ، ءتيىستى شەشىم قابىلدايمىز دەپ سەنەمىن. سونىمەن قاتار، ءبىزدى الدا اۋقىمدى ءارى جۇيەلى جۇمىس كۇتىپ تۇر، سوندىقتان دا ءبىز ۇلكەن جاۋاپكەرشىلىكتى تەرەڭ سەزىنىپ، وسى باعىتتا بەلسەندى جۇمىس اتقارۋعا ءتيىسپىز»، - دەپ ءسوز سويلەگەن ق. توقايەۆ بۇگىن پالاتانىڭ جالپى وتىرىسىندا. سونداي-اق، سەنات سپيكەرى ەلىمىزدىڭ الدىندا تۇرعان ستراتەگيالىق مىندەتتەردى شەشۋدە پارلامەنت پەن ۇكىمەتتەن ۇيلەسىمدى جانە جاۋاپتى جۇمىس تالاپ ەتىلەتىنىن اتاپ وتكەن.
قامشى-اقپارات
