الماتىدا كەشە حوككەيدەن «الماتى» مەن «بەيبارىس» كوماندالارى اراسىنداعى ويىن باستالار الدىندا قازاقستاننىڭ بۇرىنعى ءانۇرانى ورىندالدى. قازاقپاراتتىڭ حابارلاۋىنشا مۇنداي قاتەلىككە بالۋان شولاق اتىنداعى سپورت سارايىنىڭ اكىمشىلىگى جول بەرگەن. ەسكى ءانۇران بىرنەشە سەكۋند قانا شىرقالعانىمەن، «الماتى» تەلەارناسىندا تىكەلەي ەفيردە كورسەتىلگەن ويىننىڭ باستالار ساتىنە مىڭداعان كورەرمەن كۋا بولدى.
ەسكە سالساق، 2013 جىلىدىڭ 12 قاڭتارىندا تۆەردىڭ جەرگىلىكتى كلۋبى مەن جوعارى حوككەي ليگاسىنىڭ ليدەرى «سارىارقا» ويىنى باستالار كەزدە قازاقستان رەسپۋبليكاسىنىڭ قازىرگى ەمەس، بۇرىنعى ەسكى ءانۇرانى قويىلعان. جحل بۇل قاتەلىك ءۇشىن «سارىارقا» كلۋبىنان كەشىرىم سۇرادى جانە تۆەر حوككەي كلۋبىن ايىپپۇل تولەۋگە مىندەتتەدى. سونىمەن قاتار، رەسەيدىڭ بارلىق حوككەي كلۋبتارىنا بۇنداي كەمشىلىكتى قايتالاماۋ جونىندە ەسكەرتۋ جولدانعان.
قامشى-اقپارات
