ورالماندار ماسەلەسىن ءجيى كوتەرىپ جۇرگەن اقىن اۋىت مۇقيبەك ءوزىنىڭ الەۋمەتتىك جەلىدەگى پاراقشاسىندا تومەندەگىدەي جازبا جاريالادى: "وتكەن جۇما كۇنى قوس پالاتانىڭ قوس كۇرەڭى - قوس نۇرەكەڭە - نۇرالان ورازالين مەن نۇرتاي سابيليانوۆقا كىرىپ شىعۋدى وتىنگەم. بۇگىن نۇرلان مىرقاسىم ۇلىنىڭ كابينەتىندە بولىپ، الدا تالقىلاناتىن كوشى-قون زاڭى جونىندە سويلەستىم. جىل باسىنان بەرى تۇراقتى تىركەۋگە تۇرۋدا قانداستارىمىزدى تيتىقتاتقان ۇكىمەتتىڭ اتىڭ وشكىر "نومەرى 111" قاۋلىسىن وزگەرتۋ تۋرالى ۇكىمەتكە دەپۋتاتتىق ساۋال جىبەرۋىن وتىنگەن حات تاپسىردىم. مىنا قىزىل بالەدەن (سپراۆكادان) قۇتقارۋىن ءوتىندىم. نۇرلان اعا بۇل ۇسىنىسىما كەلىسىم بەردى.

ال، نۇرتاي ساليح ۇلى قولى تيمەي جاتقان بولۋى مۇمكىن، تەل كوتەرمەي تۇر. كومەكشىسى دە المايدى. تۇستەن كەيىن نەمەسە ەرتەڭ تاعى حابارلاسام ول كىسىگە."

ەستەرىڭىزدە بولسا، ءبىز بۇعان دەيىن اقىننىڭ 18 تامىز كۇنى پرەزيدەنت كەڭسەسىنىڭ باستىعى ماحمۇت قاسىمبەكوۆتىڭ قابىلداۋىندا بولىپ، وزگەرتۋلەر مەن تولىقتىرۋلار ەنگىزىلگەلى جاتقان كوشى-قون زاڭىنا قاتىستى ۇسىنىستارىن جەتكىزگەنى تۋرالى جازعان بولاتىنبىز. بۇل جولى دا اقىننىڭ ءۇمىتى اقتالىپ، ورازالين ۇكىمەتكە دەپۋتاتتىق ساۋال جولدايدى دەپ سەنەمىز.