قۇرمەتتى، ساكەن باۋىرىم!
قولىما قالام الىپ ، وسى جولداردى جازۋعا سەنىڭ ءورشىل مىنەزىڭ مەن وت-جالىن نامىسكەرلىگىڭ سەبەپ بولدى. العاش رەت ول تۋرالى ماعان الماتىلىق تولۋبەك اتتى تاكسيست ايتىپ بەردى. - اعا، ساكەن مايعازييەۆ ناعىز مىقتى ازامات ەكەن. الماتىداعى قاپتاپ كەتكەن جىن-ويناقتاردى قۇرتۋ كەرەك. سول جولدا تۇرمەگە تۇسۋگە، اتىلىپ كەتۋگە دە دايىنمىن،- دەدى.
- ساكەن ، ونى قايدا ايتىپ ءجۇر؟
- ەستىگەن جوقسىز با، شەكتەن شىققان كوگىلدىرلەر قۇرمانعازى اتامىز بەن پۋشكيندى قورلاپ، ءسۇيىستىرىپ قويىپتى. سوعان شىداماعان ساكەن توپ باستاپ بارىپ، جيىركەنىشتىلەردىڭ ەكى اياعىن ءبىر ەتىككە تىعىپتى. بيللبوردتى الدىرىپ تاستاپتى.
- ايتقانىڭ راس بولسا، ساكەن ءىنىمىز ناعىز نامىسكەر قازاق ەكەن. بۇگىنگى تاڭدا اششى بولسا دا شىندىقتى ايتايىن، ءبىزدىڭ قوعامعا ۇلتتىڭ نامىسى ءۇشىن جانىن قيۋعا ءدال وسى ساكەندەي دايار جىگىتتەر جەتىسپەيدى، - دەپ جاۋاپ قاتتىم.
قۇرمەتتى، ساكەن باۋىرىم! سەنى ۇلى اباي اتامىز ايتقانداي قۇلاقتان كىرىپ، بويدى الار اۋەزدى انىڭمەن تانيمىز. وتباسىمىزبەن بىرگە تەلەديداردان تامسانىپ تاماشالايمىز. «مۋزارت» توبىنىڭ ونەرىن جوعارى باعالايمىز. بۇل جەردە ماسەلە تانىعان، تانىماعاندا ەمەس. ماسەلە، سەنىڭ ونەر ادامدارىنىڭ ىشىنەن، جالپى، الماتى قالاسىنداعى قازاق ازاماتتارىنىڭ ىشىنەن ءبىرىنشى بولىپ سۋىرىلىپ شىعىپ ۇلتتىڭ نامىسىن قورلاۋشىلارعا تويتارىس بەرۋىڭدە جاتىر. بۇل، ەرلىك! سول ءۇشىن ساعان ريزاشىلىعىمدى ءبىلدىرىپ، راحمەتىمدى جەتكىزەمىن! جولىڭ اشىق بولسىن! باعىڭ ارتىپ، جۇلدىزىڭ جارقىراي بەرسىن! سەن سياقتى ءور مىنەزدى، كوكىرەكتەرى وت-جالىن، ۇلتتىڭ نامىسىن قورعايتىن ازاماتتار كوپ بولسىن!
ۇلكەن قۇرمەتپەن، ىزگى اعالىق نيەتپەن
سادىبەك تۇگەل. «ۇلى دالا قىراندارى » قوزعالىسىنىڭ تەڭ ءتوراعاسى، ق ر ەڭبەك سىڭىرگەن قايراتكەرى، جازۋشى.
