سەنات دەپۋتاتى سۆەتلانا جالماعامبەتوۆا پارلامەنت جالاقىسىن ۇكىمەتپەن تەڭەستىرۋدى ۇسىنعان. بۇل تۋرالى Tengrinews.kz جاڭالىقتارى حابارلادى.

«ۇكىمەتكە قاراتا ۇسىنىس ايتقىم كەلەدى. انىق بولعانداي ءبىزدىڭ ەلدە بيلىكتىڭ ءۇش بۇتاعى بار، زاڭ شىعارۋشى، سوتتار، اتقارۋشى ۇكىمەت. زاڭعا سايكەس بيلىكتىڭ قاي تارماعى بولماسىن تەڭ قۇقىلى. سايكەسىنشە، مورالدىق، ماتەريالدىق، ەڭبەكاقى مولشەرلەرى دە بىردەي، تەڭ بولۋى كەرەك. وكىنىشكە وراي، وسى جىلى مىناداي جونسىزدىك بولدى، "ا" توبىنداعى مەملەكەتتىك قىزمەتكەرلەردىڭ جالاقىسى مەن ۇكىمەت مۇشەلەرىنىڭ جالاقىسى كوتەرىلگەن كەزدە پارلامەنت پەن جوعارعى سوتتا ەش قانداي وزگەرىس بولمادى»، - دەپ مالىمدەگەن جالماعامبەتوۆا حانىم پارلامەنت پالاتاسىنىڭ پلەنارلىق وتىرىسىندا.

 «وكىنىشكە وراي  بۇگىنگى تاڭدا جوعارعى سوت اپپاراتى پرەمەر-مينيستر مەن پارلامەنتتىڭ كەڭسەسىنەن دە  از جالاقى الادى. مەن سوندىقتان قازىرگى ساتتەن باستاپ، الداعى ۋاقىتتا بيلىك تارماقتارىندا ماتەريالدىق قامداۋدىڭ ءبىرىڭعاي بولۋىن، جوعارعى سوتتىڭ ماتەريالدى قامتاماسىز ەتىلۋى پرەمەر-مينيستردىڭ كەڭسەسىمەن تەڭەسۋىن، جالاقىلاردىڭ بىردەي بولۋىن تالاپ ەتەمىن»، - دەپ قورىتىندىلاعان ءوز ءسوزىن دەپۋتات حانىم.

قامشى-اقپارات