رەسەي ءرۋبلى تاعى قۇنسىزداندى. ونىڭ دوللار مەن ەۆروعا قاتىستى باعامى بۇگىن ەڭ جوعارى كورسەتكىشكە جەتىپ وتىر. 1 دوللار ءقازىر كورشى ەلدە 39 رۋبلدەن ساتىلۋدا. ونىڭ ۇستىنە ۆاليۋتا قۇنى ساعات سايىن قۇبىلۋدا. Nur.kzء-تىڭ جازۋىنشا بۇل تۋرالى كتك ارناسى حابارلاعان. مامانداردىڭ ايتۋىنشا قارجى نارىعىنداعى بۇل وزگەرىستەر باتىس ەلدەرىنىڭ رەسەيگە قاتىستى سالعان سانكسيالارىنا تىكەلەي بايلانىستى بولىپ وتىر ەكەن.
سەبەبى برەنت ماركالى مۇنايدىڭ قۇنى ءتۇسىپ كەتكەن. سالدارىنان ەۆرو دا 49 رۋبلگە دەيىن قىمباتتاپتى. جالپى، ەۋرووداق قابىلداعان سانكسيالار رەسەيدەگى بانك، گاز-مۇناي جانە ءبىرقاتار ءوندىرىس سالالارىنا كەرى اسەر ەتۋدە. جىل باسىندا دا رۋبل قۇلدىراعاندا، كوپكە ۇزاماي قازاقستاندا دا ديەۆالۆاسيا بولعان ەدى.
قامشى-اقپارات
