باس پروكۋراتۋراداعىلار ەكسترەميستىك ارەكەتپەن شۇعىلدانۋشى كەز كەلگەن ادام قازاقستان زاڭى الدىندا جاۋاپ بەرەتىنىن، ءتىپتى قازاقستانعا قاتىستى شەتەلدىك ساياساتكەر وسىنداي ءىس جۇرگىزسە دە جازالاناتىنىن مالىمدەدى - دەپ حابارلايدى Tengrinews.kz.

جوعارى پالاتا كوميتەتىنە ەكسترەميزم  مەن لاڭكەستىككە قارسى ءىس-قيمىلعا قاتىستى زاڭ جوباسىن تانىستىرعان باس پروكۋروردىڭ ورىنباسارى اندرەي كراۆچەنكوعا: "زاڭ جوباسىندا قازاقستاننىڭ ەگەمەندىگىنە، تەرريتورياسىنا نۇقسان كەلتىرىپ كوپشىلىك الدىندا سويلەيتىندەرگە قاتىستى دا پۋنكت بار. بۇل جيرينوۆسكيي مىرزاعا جانە ينتەرنەتتە جۇرگەن باسقالارعا دا، ساياساتكەرلەرگە دە قاتىستى ما؟ ياعني، بۇل ءبىزدىڭ ەلىمىزدىڭ ەگەمەندىگىنە كۇمان ۇيالاتۋعا ۇمتىلۋشى ءىس-قيمىلدار. بۇل تىزىمگە وسى ماسشتابتاعى ساياساتكەرلەر ىلىنە مە؟" - دەپ سۇراق قويعان سەنات دەپۋتاتى ءبىرعانىم ءايتىموۆا. وعان جاۋاپ رەتىندە: "بۇل ارادا ول ۇساق كاسىپكەر بولا ما، الدە ءمۇعالىم نەمەسە جوعارى دارەجەلى ساياساتكەر بولا ما، ەشقانداي ايىرماسى جوق. ەكسترەميستىك ءىس-قيمىل جاساعاندار، ەكسترەميزمگە شاقىرۋشىلار باسقا ەلدىڭ جوعارى دارەجەلى ساياساتكەرى بولا ما، ءبارىبىر، ءبىز ولارعا قازاقستان زاڭناماسى قاراستىرعان شارانى قولدانامىز. زاڭ الدىندا ءبارى بىردەي" - دەدى كراۆچەنكو.

"17-باپتا قازاقستان رەسپۋبليكاسىنا قارسى ارەكەت ەتەتىن، كوپشىلىك الدىندا ەل ەگەمەندىگىنە سەلكەۋ ءتۇسىرىپ، مالىمدەمە جاسايتىن شەتەلدىك نەمەسە ازاماتتىعى جوق تۇلعالاردى قازاقستان رەسپۋبليكاسىنا كىرگىزبەۋ تۋرالى ايتىلادى. مەن ونداي ساياساتكەرلەرگە ءوزىنىڭ جىمىسقى ارەكەتىن جۇزەگە اسىرۋ ءۇشىن ءبىزدىڭ ەلگە كەلۋىنىڭ قاجەتى جوق دەپ ويلايمىن، ولار ونى ب ا ق ارقىلى جاساي بەرەدى، ءسويتىپ ونداي اقپارات ءاربىر شاڭىراققا، ءاربىر وتباسىنا جەتىپ جاتادى" - دەدى ادىربەكوۆتە ءوز كەزەگىندە.  ول ۇسىنىلعان وزگەرىستەر ىشىندە تاعى ءبىر باپ بارىن باسا ايتتى. وندا ەكسترەميزمدى ب ا ق ارقىلى تاراتۋعا سوتتىڭ شەشىمىمەن تىيىم سالىنادى، ونداي بۇقارالىق اقپارات قۇرالىنىڭ قىزمەتى دوعارىلادى دەلىنگەن. "نەگە  ەلىمىزدىڭ بۇتىندىگىنە، ەگەمەندىگىنە نۇقسان كەلتىرەتىن سول ساياساتكەرلەردىڭ ءسوزىن تاراتۋشى باق-تارعا قارسى شارا قولدانىلمايدى؟" - دەپ سۇراق قويدى ادىربەكوۆ. "ەڭ الدىمەن، ۇكىمەت، قۇقىققورعاۋ ورگاندارى مۇنداي تۇلعالارعا قازاقستان اتىنان رەسمي مالىمدەمەسى ءۇشىن نارازىلىق بىلدىرەدى. ولار شەتەلدە تۇرادى. شەتەلدىڭ ازاماتى بولعاندىقتان، ق ر قۇقىققورعاۋ ورگاندارىنىڭ قۇرىعىنا ىلىنبەيدى، ءبىراق ب ا ق ارقىلى مالىمدەمەلەرى شىنىمەن دە تەز تارايدى. الايدا ەلىمىزدە جۇمىس ىستەپ جاتقان رەسەيلىك تەلەارنالاردىڭ تەڭ جارتىسى مەملەكەتتىك قۇزىرلى ورگانداردا تىركەلمەگەن. سوندىقتان ەسەپكە الىنباعان شەتەلدىك تەلەارنالاردىڭ حابار تاراتۋىن وسىعان بايلانىستى توقتاتۋعا ابدەن بولادى" - دەدى كراۆچەنكو.

قامشى-اقپارات