تاڭ قالامىن! بۇگىن ەلىمىزدىڭ قاۋىپسىزدىك كەڭەسىنىڭ وتىرىسى ءوتتى. "وتىرىستا الەم مەن وڭىردەگى گەوساياسي احۋالدىڭ وزگەرۋى جاعدايىندا قازاقستاننىڭ سىرتقى ساياسات تۇجىرىمداماسىن ىسكە اسىرۋ ماسەلەلەرى قارالدى. ۇلتتىق قاۋىپسىزدىك سالاسىنداعى جاڭا قاۋىپ-قاتەرلەر مەن تاۋەكەلدەر تالقىلانىپ، ولاردىڭ الدىن الۋ شارالارى پىسىقتالدى" دەگەن حابار تارالدى. بارلىق تەلەارنالاردا بۇل جاڭالىق ەكسپو مەن ن.سماعۇلوۆتىڭ كولەڭكەسى رەتىندە اتالىپ قانا ءوتىلدى.

نەگە؟ ۆيدەوسى نەگە جوق؟ جارايدى، جابىق جاعدايدا ءوتتى دەلىك. ءبىراق جۋرناليستەر بەيتاراپ ساراپشىلاردى تارتىپ، قانداي ماسەلە تالقىلاندى، ەل باسشىلىعى نەگە الاڭداۋدا دەگەن تۇرعىدا ساۋالناما وتكىزسە دە بولاتىن ەدى عوي! ءتىپتى قاۋىپسىزدىك كەڭەسىنىڭ ماماندارى، قورعانىس نەمەسە سىرتقى ىستەر مينيسترلىگىنىڭ باسشىلارى ەفيرگە شىعىپ، بولعان جاي تۋرالى اڭگىمە قوزعاپ، ءبارىن ايتپاسا دا، قاۋىپ-قاتەرلەر تۋرالى الاڭداپ وتىرعان حالىققا نەگە اشىق، شىنايى اڭگىمە ايتپايدى؟ ەرتەڭ ۋكرايناداعى جايتتار قازاقستاندا قايتالانسا ەكسپولار كىمگە كەرەك بولادى؟ ءبىز ەلمىز بە الدە بوقپىز با؟ الدە كەڭەستىڭ مۇشەلەرى ءىس ناسىرعا شاپسا قوبىلاندى مەن الپامىستارداي جاۋعا جالعىز شابامىز دەپ وتىر ما؟