قازىرگى ەۋروپا ساياساتىنداعى ۋكراينامەن قاتار ەڭ وزەكتى ماسەلە - شوتلانديانىڭ تاۋەلسىزدىك تۋرالى رەفەرەندۋمى. شوتلانديادان سوڭ ەۋروپاداعى كەلەسى "سەپاراتيستەر" كاتالوندىقتار بولۋى مۇمكىن دەپ جاتىر. ەكەۋىن سالىستىرساق، كاتالونيا شوتلاندياعا قاراعاندا الدەقايدا باي ەل. يسپانيا ىشكى جالپى ءونىمىنىڭ ون پايىزىن بەرەدى! سالىستىرساق، شوتلانديا ۇلىبريتانيا ءجىو ءنىڭ ءبىر اق پايىزىن قۇرايدى! وسىنداي كىشكەنتاي ەلدەر ءوز بەتىمەن تاۋەلسىزدىك الىپ ءومىر سۇرە الا ما؟ ەۋروپا ساراپشىلارىنىڭ ايتۋىنشا، وپ وڭاي ءومىر سۇرەدى! مىسال رەتىندە، حالقىنىڭ سانى بەس ءجۇز مىڭ عانا ليحتەنشتەيندە دە تاۋەلسىز ەل ەمەس پە! ءتىپتى ونىڭ ساياساتكەرى بۇكىل ەۋروپا وداڭىنىڭ باسشىلارىنىڭ ءبىرى بولدى! سول سياقتى شوتلانديا دا تاۋەلسىز، ازات ەلگە اينالا الادى. ەۋروپامەن بىرگە شەنگەن زوناسىنا قوسىلادى، ازاماتتارى بۇكىل ەۋروپادا ەركىن ءجۇرىپ تۇرادى. ال تاۋەلسىزدىگى مەن ازاتتىعىن، قاۋىپسىزدىگىن ناتو مەن ەۋرووداق قورعايدى. ال ەڭ باستىسى، تاۋەلسىزدىك تۋرالى تاڭداۋدى حالىقتىڭ ءوزى جاسايدى! مىنە، ەۋروپا وداعىنىڭ شوتلانديا، كاتالونيا سياقتى ەلدەرگە تاۋەلسىزدىك اتتى قۇندىلىقتى بەرىپ وتىر. ال ءبىز ءجۇرمىز قايتا تاۋەلسىزدىكتى تارتىپ الاتىن ەۋرازيالىق وداق اتتى كرەملدىڭ بالەكەتىنە قوسىلىپ. شىن مانىندە، ۇمتىلار باعىتىمىز - ەۋروپا وداعى بولۋى كەرەك!

جانبولات ماماي. (Facebook-تەگى پاراقشاسىنان)