ب ا ق بەتتەرىندە «ابايدىڭ «جيدەباي – ءبورىلى» مەملەكەتتىك تاريحي-مادەني جانە ادەبي-مەموريالدىق قورىق-مۇراجايى» رەسپۋبليكالىق مەملەكەتتىك مەكەمەسىنىڭ ديرەكتورى ج.اۋباكىر  حابارلاعان شاكارىمنىڭ سۋرەتى تۋرالى ماقالا جارىق كوردى، وندا شاكارىمنىڭ سۋرەتى تۋرالى زەرتتەۋ جۇرگىزگەن مۇراجايدىڭ ەڭبەگى ەش كەتپەگىن ايتىلادى.

شاكارىمنىڭ  بۇركىت ۇستاپ تۇسكەن سۋرەتى بۇعان دەيىن تۇراقتاندىرىلماي  كەلگەن. سەبەبى: سۋرەت جارىق كورگەن كىتاپتا «وحوتنيك س بەركۋتوم. كازاحي. سەميپالاتينسكيي ۋ. 1927 گ» دەگەن عانا جازبا بولعان. ياعني، شاكارىم اقىن دەپ جازىلماعان. سول سەبەپتەن دە اباي مۇراجايى سۋرەتتىڭ ءتۇپنۇسقاسىن ىزدەستىرۋ جۇمىستارىن جاساعان ەكەن.

اتالمىش مۇراجاي  ماسكەۋدەگى رەسەي عىلىم اكادەمياسىنىڭ ن.ن.ميكلۋحو-ماكلاي اتىنداعى ەتنولوگيا جانە انتروپولوگيا ينستيتۋتىنىڭ ارحيۆىندە ءبىر اپتا جۇمىس جاساپ، ەتنوگرافتىڭ 10 پاپكا جەكە ارحيۆىمەن، تۇسىرگەن سۋرەتتەرى مەن جازبالارىمەن تانىسىپتى.

شاكارىم سۋرەتى  54 فوندىدا ساقتالعان ەكەن. سۋرەت ارتىندا «كازاحي. سەميپالاتينسكيي گۋب.،  سەميپالات ۋ.، ۋروچ كەنبۋلاك، شاكپاكتاس. شاكارىم كاجي سو سۆوييم بەركۋتوم. فيەلسترۋپ. 1927 گ.» دەپ جازىلعان. سونىمەن قاتار شاكارىم قاجى اۋلىنىڭ كورىنىستەرى، قازاقتىڭ تۇرمىس – سالتى مەن ەرەكشەلىكتەرىن كورسەتەتىن وزگە دە كوپتەگەن سۋرەتتەر تابىلىپ وتىر.

بۇل سۋرەتتىڭ باستى قۇندىلىعى ءتۇپنۇسقا بولعاندىعى، سونداي-اق فوتونىڭ انىق شاكارىمدىكى ەكەندىگى تۋرالى جازبانىڭ بولعاندىعىندا. سونىمەن قاتار شاكارىمنىڭ بۇركىتىنىڭ جەكە سۋرەتى دە ەلىمىزگە العاش اكەلىنگەن.

قامشى-اقپارات