قازاقستاننىڭ كوممۋنيستىك پارتياسى ىشتەن ءبۇلىنىپ جاتىر. بۇگىن الماتى قالاسىندا باسپا ءسوز ءماجىلىسىن وتكىزگەن پارتيا مۇشەسى الپامىس بەكتۇرعانوۆ وسىلاي مالىمدەدى.
«مەنى ءوز پارتيامنىڭ تاعدىرى الاڭداتادى. قازاقستاننىڭ كوممۋنيستىك پارتياسى ىشتەي ءبۇلىنىپ جاتىر. پارتيانىڭ كەيبىر مۇشەلەرى ونى قۇلاتىپ تىنباقشى. ءبىر وكىنىشتىسى، وسى بۇلىكشىلەر بۇگىندە پارتيانىڭ بيلىگىن قولىنا العان. مەن قپك ورتالىق كوميتەتىنىڭ حاتشىلارى ۆاسيليي شامين مەن تولەۋبەك ماحىجانوۆ جايىندا ايتىپ وتىرمىن. ولار ازاماتتاردىڭ باسىن اينالدىرىپ، ورتالىق كوميتەتكە تەرىس اقپارات بەرىپ كەلەدى. سونداي-اق، پارتيا كوشباسشىسى عازيز الدامجاروۆتى دا الداپ، وعان جالعان مالىمەتتەرىمەن الداپ وتىر» دەيدى الپامىس مىڭعازى ۇلى جۋرناليستەرمەن بولعان اڭگىمە بارىسىندا. ونىڭ ايتۋىنشا، ماحىجانوۆ ءشاميننىڭ قۋىرشاعى ىسپەتتەس. ياعني، ول ارىپتەسىنىڭ قولىمەن تالاي تىرلىكتى تىندىرىپ وتىرعان كورىنەدى. «شامين ءوزىنىڭ پارتياعا جەتەكشىلىك ەتە المايتىنىن بىلەدى. سوندىقتان پارتيا ءتوراعالىعىنا ۇمىتكەر رەتىندە تولەۋبەك ماحىجانوۆتى دايىندادى. مەنىڭ بىلۋىمشە، ماحىجانوۆ سەمەيدەگى پارتيا فيليالىنان بارلىق قىزمەتكەردى قۋىپ تىنىپ، ءقازىر قالالىق ۇيىم ءومىر ءسۇرۋىن توقتاتقان. بۇل ەكى ادام پارتياداعى بيلىكتى ءوز قولدارىنا الدى. وسىنى پايدالانعان ماحىجانوۆ مەنى پارتيا قاتارىنان قۋىپ وتىر. كومپارتيانىڭ بولاشاعى بۇلىڭعىر، مەنىڭ جانىما باتاتىنى دا وسى» دەپ اعىنان جارىلدى ا.بەكتۇرعانوۆ. ول پارتيالاستىرىنا بىرىگىپ، ۇيىمدا ورىن الىپ جاتقان زاڭسىزدىقتارعا قارسى كۇرەسۋگە شاقىردى.
قامشى-اقپارات
