لۋكاشەنكو: رەسەي ەاەو-نى ەۋروپا وداعىنا قارسى تۇرۋ ءۇشىن پايدالانادى

    Nurgali Nurtay
    لۋكاشەنكو: رەسەي ەاەو-نى ەۋروپا وداعىنا قارسى تۇرۋ ءۇشىن پايدالانادى

    بەلارۋس پرەزيدەنتى الەكساندر لۋكاشەنكو جىل سايىنعى جولداۋىندا رەسەيدى ەۋرازيا ەكونوميكالىق وداعىندا (ەاەو) ۇستەمدىككە يە بولۋعا ۇمتىلادى دەپ ايىپتادى. بۇل تۋرالى قامشى   اقپاراتتىق اگەنتتىگى ازاتتىقتىڭ جاڭالىقتارىنا سۇيەنىپ حابارلايدى.

    21 ساۋىردە پارلامەنتتە سويلەگەن لۋكاشەنكو ەاەو ەلدەرى اراسىندا "تەڭ قۇقىلى، ءوزارا سىيلاسىمدى قارىم-قاتىناس" ورناتۋدىڭ قيىن ەكەنىن مالىمدەدى. "ءبىز ۇنەمى قارىم-قاتىناستى ايقىنداپ جۇرەمىز" دەگەن لۋكاشەنكو وداق مۇشەلەرى ءبىر-بىرىن دەمپينگ ءادىسىن قولدانادى دەپ سوگەتىنىن جانە "ورتاق نەسيە قورىن بولىسە المايتىنىن" ايتتى.

    "بارلىعىمىز ءبىر نارسەنى ءتۇسىنىنۋىمىز كەرەك: ەاەو نارىعى - قانداي دا ءبىر ەلدىڭ نەمەسە سوعان ەرگەن وداقتاستىڭ نارىعى ەمەس. بۇل - ءبىزدىڭ ورتاق، تولىققاندى نارىعىمىز، ءبىز ونى دامىتۋ ارقىلى كەز-كەلگەن سانكسيانى ەڭسەرىپ، ەكونوميكالىق باسەكەدە جەڭىپ شىعامىز" دەدى لۋكاشەنكو.

    باقىلاۋشىلار رەسەي پرەزيدەنتى ۆلاديمير پۋتين قۇرامىنا ارمەنيا، بەلارۋس، قازاقستان، قىرعىزستان كىرەتىن ەاەو-نى ماسكەۋدىڭ بۇرىنعى سوۆەت وداعى تەرريتورياسىنداعى ىقپالىن كۇشەيتىپ، ەۋروپا وداعىنا قارسى تۇرۋ ءۇشىن پايدالانادى دەيدى.

    لۋكاشەنكو سونىمەن قاتار بەلارۋستىڭ رەسەيمەن "ستراتەگيالىق" قارىم-قاتىناستا ەكەنىن جانە پۋتين ەكەۋىنىڭ "سەنىمدى قارىم-قاتىناس ورناتقانىن" دا ايتتى.

    قاتىستى ماقالالار

    ءبارىمىز قازاقپىز عوي!

    ءبارىمىز قازاقپىز عوي!

    12:57، 06 ناۋرىز 2025