امەريكاندىق كورتني ءحيللدىڭ ومىرىندەگى باقىتتى جانە قايعىلى جاعدايلار قاتار ءجۇردى. كۇيەۋى برايان اپاتتا كوز جۇمدى. ول كۋۆەيت، يراك، اۋعانستانداعى سوعىسقا قاتىسقان. برايانعا سۇراپىل سوعىستا ەمەس، تۋعان جەرىندە كوز جۇمۋ بۇيىرعان ەكەن.

برايان مەن كورتني 2011 جىلى تانىسقان. بىرنەشە ۋاقىتتان كەيىن رەگان ەسىمدى قىزدارى دۇنيەگە كەلدى. برايان قايتىس بولماس بۇرىن وتباسىلىق جۇپ تاعى دا بالالى بولۋدا جوسپارلاعان.
كۇيەۋى قايتىس بولعان كۇنى كورتني جۇكتى ەكەنىن ءبىلدى. جەرلەۋ راسىمىندە كورتني كۇيەۋىنىڭ قۇلاعىنا «قامباتتىم، ءبىزدىڭ بالامىز بولادى» دەپ سىبىرلادى.

ءبىر ايدان كەيىن ايەلدىڭ ءىشى قاتتى اۋىرا باستايدى. كورتني تۇسىك بولۋى مۇمكىن دەپ قورقىپ، دارىگەرگە باردى. وندا ايەل ۇشەمگە جۇكتى ەكەنىن حابارلاعان. كورتنيدىڭ قۋانىشىندا شەك بولمادى. الايدا تاعدىر وعان تاعى دا سىناق دايىنداپ قويعان ەكەن. جۇكتىلىكتىڭ 25ء-شى اپتاسىندا ۇشەمنىڭ ءبىرى انا قۇرساعىندا شەتىنەپ كەتتى.

«ءۋدز-دىڭ ناتيجەسى مۇنداي بولادى دەپ ويلامادىم. مەن ءۇشىن بۇل اۋىر سوققى بولدى. بۇرىنعى جارام قايتا قانجىلاعانداي بولدى» دەيدى كورتني.


كورتني بالالارىنىڭ بىرىنە كۇيەۋى براياننىڭ ەسىمىن بەرگىسى كەلدى. الايدا قايعىلى وقيعادان كەيىن ول بۇل ويىنان باس تارتتى. ەكى بالاسىن مايلز جانە حارپەر دەپ اتادى. ءقازىر كورتني ەكى قىز ءبىر ۇلدىڭ اناسى.
