ميلليون دوللار پارا العان شەندى بوساتىلعانىن دەپۋتات قۇپ كورەدى

    Nurgali Nurtay
    ميلليون دوللار پارا العان شەندى بوساتىلعانىن دەپۋتات قۇپ كورەدى

    ق ر پارلامەنت ءماجىلىسىنىڭ دەپۋتاتى ۆلاديسلاۆ كوساريەۆ "قورعاس" شىحو ەكس-پرەزيدەنتى ۆاسيليي ءنيدىڭ قىلمىستىق جاۋاپكەرشىلىكتەن بوساتىلۋىن دۇرىس دەپ ەسەپتەيدى، - دەپ حابارلايدى قامشى اقپاراتتىق اگەنتتىگى Tengrinews.kz جاڭالىقتارىنا سىلتەپ.

    "ءقازىر بىزدە اقشانى قايتارسا، بوساتۋعا بولادى دەگەن قۇقىق بار. مەنىڭشە، بار. اقشانى قايتارسىن دا، كەتە بەرسىن"، - دەدى ول جۋرناليستەردىڭ سۇراعىنا جاۋاپ بەرىپ جاتىپ.

    ەسكە سالايىق، وسىعان دەيىن ميلليون دوللار پارا العان جەرىنەن ۇستالعان "قورعاس" شىحو بۇرىنعى پرەزيدەنتى ۆاسيليي ني قىلمىستىق جاۋاپكەرشىلىكتەن بوساتىلعانى حابارلانعان. بۇل تۋرالى الماتى قالاسىنىڭ قىلمىستىق ىستەر بويىنشا سوت القاسىنىڭ ءتوراعاسى باقىتجان قارمانوۆتىڭ رەسمي ساۋالعا بەرگەن جاۋابىندا ايتىلادى. سونداي-اق، ينۆەستورلارمەن جۇمىس ءبولىمىنىڭ باسشىسى ماحاببات سايدۋللايەۆانىڭ دا قىلمىستىق جاۋاپكەرشىلىكتەن بوساتىلعانى بەلگىلى بولدى.

    "پروكۋروردىڭ ءوتىنىشى بويىنشا جانە سوتتالۋشىلاردىڭ وسىعان دەيىن سوتتى بولماۋىنا، جۇمىس ورنى مەن تۇرعىلىقتى جەرىنەن جاعىمدى پىكىرلەر بولعاندىقتان جانە سوتتالۋشى سايدۋللايەۆا ماحاباتتىڭ اسىراپ العان كىشكەنتاي بالاسى بولۋىنا بايلانىستى سوت ق ر قىلمىستىق كودەكسىنىڭ 65-بابىنىڭ 1-بولىگى نەگىزىندە ("شىنايى وكiنۋiنە بايلانىستى قىلمىستىق جاۋاپتىلىقتان بوساتۋ") جاۋاپكەرشىلىكتەن بوساتتى"، - دەدى سوتتاعىلار رەسمي ساۋالعا بەرگەن جاۋاپتارىندا.

    ەسكە سالا كەتەيىك، 5 قىركۇيەكتە "قورعاس" شىحو پرەزيدەنتى ميلليون دوللار پارا الىپ جاتقان جەرىنەن ۇستالعان بولاتىن. ول وسى پارا ءۇشىن ينۆەستيسيالىق تەندەردىڭ ناتيجەلەرىن شەشىپ بەرۋ ءۇشىن العان دەلىنگەن ەدى.

    قاتىستى ماقالالار

    ءبارىمىز قازاقپىز عوي!

    ءبارىمىز قازاقپىز عوي!

    12:57، 06 ناۋرىز 2025