«ءبىر سەن ءۇشىن...» ءفيلمىنىڭ جابىق كورسەتىلىمىندە كورەرمەن ۇزاق قول سوقتى

    Nurgali Nurtay
    «ءبىر سەن ءۇشىن...» ءفيلمىنىڭ جابىق كورسەتىلىمىندە كورەرمەن ۇزاق قول سوقتى

    24 ساۋىردە ازامات ساتىبالدىنىڭ «ءبىر سەن ءۇشىن...» ءفيلمىنىڭ جابىق كورسەتىلىمى بولىپ، ونەرسۇيەر قاۋىمعا تانىستىرىلدى دەپ حابارلايدى قامشى اقپاراتتىق اگەنتتىگى ءتىلشىسى.

    ءفيلمنىڭ تۇساۋكەسەر كورسەتىلىمىنە الماتى قالاسىنىڭ اكىمى باۋىرجان بايبەك،  اقساقال اكتەر ءاسانالى ءاشىموۆ پەن كوپتەگەن ونەر ادامدارى، ب ا ق وكىلدەرى قاتىستى.

    قازاقستاننىڭ ەڭبەك سىڭىرگەن قايراتكەرى، قازاقستان جاستار وداعى سىيلىعىنىڭ لاۋرەاتى ازامات ساتىبالدى مەن اكتريسا زارينا كارمەنوۆالار باستى رولدەرىن سومداعان «ءبىر سەن ءۇشىن...» ءفيلمىنىڭ كورسەتىلىمىندە كوز جاسىنا ەرىك بەرگەندەر بولدى، فيلم اياقتاعاننان كەيىن كورەرمەن قاۋىم ۇزاق قول سوقتى.

    فيلم تۋرالى ازامات ساتىبالدى «بۇل ارماننان تۋعان دۇنيە، رەجيسسەر ارداق تولەۋباي ەكەۋىمىز ءۇش جىل بۇرىن ساپاردا ءجيى بىرگە بولدىق. سول كەزدە وسى ءفيلمنىڭ يدەياسى تۋدى. ۇشاقتاعى گازەتتە جازىلعان ستاتيستيكانى قاراساق قازاقستان الەمدە اجىراسۋدان 27 ورىن الادى ەكەن. ونىڭ كوبى جاستار. نەگە ەكەنىن زەرتتەدىك ءبىراز، سويتسەك ءقازىر ءبىزدىڭ جاستاردا ءۇمىت جوق ەكەن، سەنىم جوق، ارمان جوق، ماحاببات جوق. سوندىقتان دا ءبىز جاستارعا وي سالاتىن وتباسى تۋرالى فيلم تۇسىرۋگە نيەتتەندىك.  مەنى قولداعان بارشا ارىپتەستەرىمە العىس ايتامىن. كينو كوپتىڭ ەڭبەگى.»، - دەدى. ونىڭ ايتۋىنشا فيلمدە جۇمىس ىستەگەندەردىڭ بارلىعى نەگىزىنەن دەبيۋتانت بولىپ تابىلادى. ازامات ساتىبالدى پروديۋسەر رەتىندە، ارداق تولەۋباي رەجيسسەر رەتىندە وسى فيلمدە العاش رەت ب ا ق سىنادى.

    «Cinema 28» دەپ اتالاتىن جاڭا كينوستۋديا ۇسىنعان جاڭا قازاقشا مەلودرامادا باستى ءرولدى سومداعاندار وزدەرىنە رولدەرىنىڭ قيىنعا سوقپاعانىن ايتادى. ولار بۇعان دەيىن دە تەاتر سالاسىندا ىستەس بولعان. بۇعان دەيىن ازامات ساتىبالدى مەن زارينا كارمەنوۆا ەرعالييەۆتىڭ «قاس قاعىم» تراگەدياسى مەن ءۆولوديننىڭ «قوشتاسقىم كەلمەيدى...» دراماسىندا بىرگە ويناعان.

    وزەكتى وتباسىلىق ماسەلەلەردى قامتىعان ءفيلمنىڭ ۇزاقتىعى 98 مينۋت. فيلم نەگىزىنەن الماتى قالاسىندا، الماتى توڭىرەگىندە، وتكەن جىلدىڭ جاز ماۋسىمىنان باستاپ تۇسىرىلگەن. ءفيلمنىڭ كومپوزيتورى ۇشقىن جامالبەك، سەناريي اۆتورى ءلاززات تۇلكىبايەۆا، قويۋشى وپەراتورى جانتاي قىدىرالييەۆ، قويۋشى سۋرەتشىسى نازيرا بايبەكوۆا. ءفيلمنىڭ تۇساۋكەسەر كورسەتىلىمى بۇگىن استانادا، ەرتەڭ 26 ساۋىردە قوستانايدا وتەدى.

    قالىڭ كورەرمەننىڭ ەسىنە سالا كەتەتىن بولساق، 27 ساۋىردەن باستاپ «ءبىر سەن ءۇشىن» وتاندىق مەلودراماسى اينالىمعا شىعادى.

    قاتىستى ماقالالار

    ءبارىمىز قازاقپىز عوي!

    ءبارىمىز قازاقپىز عوي!

    12:57، 06 ناۋرىز 2025