قازاقستاننىڭ مادەني مۇراسىن دارىپتەۋ جانە قازاقستان مەن رەسەيدىڭ مادەني-گۋمانيتارلىق ىنتىماقتاستىعىن نىعايتۋ ماقساتىندا، ماسكەۋدەگى مەملەكەتتىك ترەتياكوۆ گالەرەياسىندا 1966 جىلى «قازاقفيلم» كينوستۋدياسىندا تۇسىرىلگەن، رەجيسسەر شاكەن ايمانوۆتىڭ «اتامەكەن» كوركەم ءفيلمى كورسەتىلەدى دەپ حابارلايدى قامشى اقپاراتتىق اگەنتتىگى "ءقازاقفيلمنىڭ" باسپا ءسوز قىزمەتىنە سىلتەمە جاساي وتىرىپ.
كەڭەس ءداۋىرىنىڭ ۇزدىك فيلمدەرىنىڭ ءبىرى «وتتەپەل: ليسوم ك بۋدۋششەمۋ» ءفيلمى مۇراجاي ارالىق فەستيۆالدىڭ «ۆوينا وكونچەنا» باعدارلاماسىنىڭ شەڭبەرىندە كورسەتىلەدى. فەستيۆال ۇيىمداستىرۋشىلارى: ا.س. پۋشكين اتىنداعى بەينەلەۋ ونەرىنىڭ مەملەكەتتىك مۇراجايى (گميي)، مەملەكەتتىك ترەتياكوۆ گالەرەياسى (گتگ)، ماسكەۋ مۇراجايى جانە گوركيي پاركى.
«اتامەكەن» ءفيلمىنىڭ كورسەتىلىمى 2017 جىلدىڭ 26 ساۋىرىندە ساعات 19:00-دە ترەتياكوۆ گالەرەياسىنىڭ ينجەنەر كورپۋسىندا بولادى (لاۆرۋشينسكيي، 12).
«اتامەكەن» ءفيلمىنىڭ وقيعا جەلىسى ەكىنشى دۇنيەجۇزىلىك سوعىسىنان ءبىر جىل وتكەننەن كەيىنگى ۋاقىتتى باياندايدى. ءفيلمنىڭ باستى كەيىپكەرلەرى – اتا مەن نەمەرە – سوعىستا قايتىس بولعان بالاسىنىڭ سۇيەگىن تاۋىپ، تۋعان جەرىنە الىپ كەلۋ ءۇشىن پويىزبەن رەسەيگە اتتانادى. سەنارييدى ولجاس سۇلەيمەنوۆ جازعان.
شاكەن ايمانوۆتىڭ ەستەلىگىنەن: «ءبىزدىڭ فيلم كورەرمەنگە وي سالۋ ءۇشىن، ءوزىن دامىتا الۋى ماقساتىندا تۇسىرىلگەن. كەيىپكەرلەر تۋعان جەرىنەن ءوتىپ، ادامدارمەن تانىسىپ، سوعىستىڭ كەسىرىنەن قيراعان ورىس جەرىن كورسەتۋ ماڭىزدى ەمەس. ءبىز ءۇشىن، قاريانىڭ ءفيلمنىڭ سوڭىندا الەمگە، ادامدارعا دەگەن كوزقاراسىنىڭ وزگەرگەنىن كورسەتۋ ماڭىزدى بولدى.» («شاكەن ايمانوۆ. و سەبە، و سۆوەم يسكۋسستۆە»، ماسكەۋ، 1974 گ.)
«اتامەكەن» ءفيلمى كۇلاش بايسەيىتوۆا اتىنداعى قازاق قسر-نىڭ مەملەكەتتىك سىيلىعىمەن ماراپاتتالدى (1968 ج.). فيلمدەگى باستى ءرولدى سومداعان ەلۋباي ءومىرزاقوۆ تا مەملەكەتتىك سىيلىقتى يەمدەندى. سونداي-اق، فيلمگە مۋرات احمادييەۆ، يۋريي پومەرانسيەۆ، ءامينا ءومىرزاقوۆا، شولپان التايبايەۆا جانە تاعى باسقالار تۇسكەن.
«ۆوينا وكونچەنا» باعدارلاماسىنىڭ شەڭبەرىندە كەڭەس جانە باتىس ەۋروپانىڭ فيلمدەرى كورسەتىلەدى، ولاردىڭ اراسىندا: «گەرمانيا، گود نۋليەۆوي» روبەرتو روسسەلليني (يتاليا، 1947)، «كرەست زا وتۆاگۋ» كازيمەجا كۋسا (پولشا، 1959)، الەكساندر الوۆ پەن ۆلاديمير ناۋموۆ «مير ۆحودياششەمۋ» (سسسر / رسفسر، 1961)، «نيكتو نە حوتەل ۋميرات» ۆيتاۋتاس جالاكياۆيچۋس (سسسر / ليتۆا، 1965)، «حولودنىە دني» اندراش كوۆاچ (ۆەنگريا، 1966)، «دۆا فەدورا» مارلەن حۋسييەۆ (سسسر/ۋكراينا، 1985 گ.)، «بەزۋميە» كالو كييسك (سسسر / ەستونيا، 1968) جانە تاعى باسقالار.
سونىمەن قاتار، «جىلىمىق» كەزەڭىنىڭ مادەنيەتىنە، ساۋلەتىنە، ونەرىنە جانە سوعىسسىز الەمگە ارنالعان دەرەكتى فيلمدەردىڭ كورسەتىلىمى وتكىزىلەدى. فەستيۆالدىڭ شەڭبەرىندە ماسكەۋدىڭ ءار ءتۇرلى مادەني الاڭدارىندا لەكسيالار، دوڭگەلەك ۇستەلدەر، سۋرەت جانە فوتوگرافيا كورمەلەرى، جانە دە كونسەرتتەر مەن پوەزيا وقۋلارى وتەدى.