ق ر اقپارات جانە كوممۋنيكاسيا ءمينيسترى داۋرەن ابايەۆ ب ا ق وكىلدەرىنىڭ ەڭبەگىن ەسكەرىپ، باسپا، راديو جانە ينتەرنەت جۋرناليستيكا سالىسىنا ارنالعان تۇڭعىش ۇلتتىق «ۇركەر» سىيلىعىن جاريالادى، دەپ حابارلايدى قامشى اقپاراتتىق اگەنتتىگى.
«باستى ماقسات – تالانتتى جۋرناليستەر مەن ساپالى مەديا-جوبالارعا قولداۋ كورسەتۋ»، - دەدى ابايەۆ فەيسبۋكتەگى پاراقشاسىندا.
ونىڭ ايتۋىنشا، بايقاۋدىڭ قازىلار القاسى جۋرناليستيكا سالاسىنىڭ مايتالماندارى مەن قوعام قايراتكەرلەرىنەن جانە ساراپشىلاردان قۇرالادى. قازىلاردىڭ تولىق ءتىزىمى الدىن الا جاريالانادى.
سىيلىق 15 اتالىم بويىنشا بەرىلەدى. جۋرناليستيكانىڭ ءداستۇرلى سالالارىمەن قاتار، «ۇزدىك فوتوسۋرەت»، «قازاقستان تۋرالى ەڭ ۇزدىك تانىمدىق ماتەريال» جانە «قازنەتتەگى مەديا سەرپىلىس» سياقتى باعىتتار قامتىلادى.
بايقاۋعا ءوتىنىش 7 مامىردان باستاپ el.kz سايتىندا قابىلدانادى، سىيلىققا قاتىستى ەگجەي-تەگجەيلى اقپارات تا سوندا جازىلادى.
سونداي-اق، سالتاناتتى ماراپاتتاۋ جۋرناليستەردىڭ كاسىبي مەرەكەسى قارساڭىندا ۇيىمداستىرىلاتىنىن حابارلادى.