الماتى-بىشكەك تاسجولىنىڭ 29-شاقىرىمىندا (الماتى وبلىسىندا) پوليسەيلەر Lada كولىگىن توقتاتىپ، كولىكتىڭ جۇكسالعىشىنان بايلاۋلى جاتقان ەر ادامدى كورگەن. وقيعا 26 ساۋىردە كەشكى ۋاقىتتا بولعان، - دەپ حابارلايدى قامشى اقپاراتتىق اگەنتتىگى patrul.kz-كە سىلتەمە بەرىپ. جۇرگىزۋشىنىڭ قۇجاتتارىن تەكسەرگەن كەزدە ول قاتتى كۇيگەلەكتەنگەن. سودان ينسپەكتورلار ودان كۇدىكتەنە باستاعان. وسىلايشا، ولار ماڭعىستاۋ نومىرىمەن جۇرگەن كولىكتى جانە ونداعى جولاۋشىلاردى تەكسەرۋدى شەشكەن. ءبىراق ءبىر ساتتە پوليسەيلەر ءبىر دىبىستار ەستىپ، ەر ادامنان كولىكتىڭ جۇكسالعىشىن اشۋدى سۇرايدى. سول كەزدە كولىكتىڭ كومەك سۇراعان ەر ادامنىڭ ايعايى شىققان. باسىلىمنىڭ مالىمەتىنشە، جۇكسالعىشتى اشقان كەزدە وندا قول-اياعى پلاستيكالىق قامىتقا بايلانعان ەر ادام جاتقان.
كولىكتەگى بارلىق ءۇش ەر ادام ۇستالىپ، وقيعا ورنىنا قاراساي اۋداندىق ءىىب جەدەل-تەرگەۋ توبى شاقىرىلدى. ۇستالعان ەر ادامداردىڭ ەكەۋى شىمكەنتكە بارا جاتقانىن، ال ءۇشىنشى ەر ادام بولسا جۇكسالعىشتا نە جاتقانىن بىلمەگەنىن ايتادى. تۇتقىندا بولعان ادام ولارمەن تانىس ەكەنىن ايتىپ وتىر. ولاردا ورتاق جۇمىس بولعان ەكەن. ءبىراق ناقتى نەمەن اينالىسقاندارىن ناقتىلامادى. مۇمكىن، اقشالاي قارىزدارى بار. "ەر ادام Nexia كولىگىنە جانارماي قۇيىپ جاتقاندا تۇتقىندالعان. تانىستارى ونى سالونعا يتەرىپ كىرگىزىپ، تاۋ جاققا الىپ كەتكەن. سول جاقتا ونى سوققىنىڭ استىنا العان. سودان ونى جۇكسالعىشقا سالىپ، شىمكەنتكە قاراي الىپ كەتپەكشى بولعان"، - دەدى باسىلىمداعىلار. ەندى پوليسەيلەر وقيعانىڭ ءمان-جايىن انىقتايدى. سوتقا دەيىنگى تەرگەۋ باستالدى.