كولىگىن تاركىلەگەن سوت ورىنداۋشىنى ەر ادام كولىگىمەن ادەيى قاققان

    Assem Almuhanbet
    كولىگىن تاركىلەگەن سوت ورىنداۋشىنى ەر ادام كولىگىمەن ادەيى قاققان
    استانا قالاسىنىڭ اليمەنت تولەۋ بويىنشا بەرەشەگى بار «د.» ازاماتى  استانا قالاسى ادىلەت دەپارتامەنتىنىڭ سوت ورىنداۋشىسى ر.كيزاتوۆتى تىيىم سالىنعان اۆتوكولىگىن تاركىلەۋگە ارەكەت ەتكەن كەزدە قاعىپ كەتتى دەپ حابارلايدى قامشى اقپاراتتىق اگەنتتىگى استانا قالاسى ادىلەت دەپارتامەنتى اليمەنت تولەمدەرىن ءوندىرىپ الۋ اۋماقتىق بولىمىنە سىلتەمە جاساپ. 
     
    بورىشكەر ۇزاق جىلدار بويى جاسى كامەلەتكە تولماعان بالاسىنا اليمەنت تولەۋدەن جالتارىپ، ءوز ەركىمەن سوت شەشىمىن ورىنداۋعا جاسالعان ۇسىنىستى ەلەمەدى.
     
    وسىعان وراي، بورىشكەردىڭ اۆتوكولىگىنە تىيىم سالۋ قاۋلىسى شىعارىلدى. اليمەنت  تولەۋ بويىنشا بەرەشەگى بار بورىشكەر  اۆتوكولىگى تۇرعان جەرىن جاسىرىپ، سوت ورىنداۋشىلاردى جاڭىلىستىرىپ، جالعان اقپارات بەردى. ءبىراق، سوت ورىنداۋشى ر.كيزاتوۆ اتقارۋ ءوندىرىسىن قامتاماسىز ەتۋ باسقارماسىنىڭ اۋماعىندا بورىشكەردىڭ اۆتوكولىگى تۇراقتالعانىن انىقتادى.
     
    تىيىم سالىنعان مۇلىگىن تاركىلەۋگە ارەكەت ەتكەن سوت ورىنداۋشىنى بورىشكەر «د.» اۆتوكولىگىمەن قاعىپ كەتىپ، جاسىرىنىپ قالۋعا تىرىستى. جول پوليسيا قىزمەتكەرلەرى ءقاۋىپتى بورىشكەردى ۇستاۋعا جاردەمدەستى.
     
    قازىرگى تاڭدا،  مۇلكىن تاركىلەۋ تۋرالى تىزىمدەمە حاتتاماسى، مۇلكىن الىپ قويۋ تۋرالى اكتى، اكىمشىلىك قۇقىق بۇزۋشىلىق تۋرالى حاتتاما جانە قاۋلى تولتىرىلدى.
     
     

    قاتىستى ماقالالار