Cۋرەتتە قايعىدان قان جۇتقان شەرري كەنت ءوزىنىڭ 22 جاستاعى ءولىم اۋزىندا جاتقان بالاسىمەن قوشتاسىپ جاتىر. ءدال وسى ساتە ول ءوزىنىڭ بالاسىنا ونىمەن ماقتاناتىنىن ايتىپ جاتىر. كانادالىق ايەل بۇل سۋرەتتى ءوزىنىڭ بالاسى ۇرىنعان قاتەلىككە باسقالارى ۇرىنباسا ەكەن دەگەن نيەتپەن الەۋمەتتىك جەلىدە تاراتقان. بۇل تۋرالى قامشى اقپاراتتىق اگەنتتىگى life.ru-عا سىلتەمە جاساپ حابارلايدى.
وسىدان ءبىر اي بۇرىن شەرريگە تۋعان بالاسىنىڭ اۋرۋحاناعا ءتۇسىپ قالعانى تۋرالى حابار كەلگەن. ونىڭ بالاسى مايكل ەسىرتكىنى مولشەردەن تىس قابىلداپ جانساقتاۋ بولىمىنە ءتۇسىپ جاساندى اپپارات ارقىلى ءومىرى قامتاماسىز ەتىلدى.
شەرري ۇلىنىڭ ەشقاشان ەسىرتكىگە اۋەس بولماعانىن ايتادى. كانادادا ەسىرتكى ساتۋمەن اينالىساتىن ۇيىمداردىڭ كوپ ەكەنىن ايتىپ، اپتا سايىن وسى دەرتتەن التى-جەتى ادام كوز جۇماتىنىن جەتكىزگەن. ايەلدىڭ سوزىنە قاراعاندا، ۇلىنا ەسىرتكى بەرگەن ادام ونى دارەتحانادا ولۋگە تاستاپ كەتكەن. 20 مينۋت بويى ول مايكلدىڭ قاسىنا بارۋعا قورقىپ جاقىنداماعان. تەك مايكل تالىپ قالعان دۇكەننىڭ يەلەرى كەلىپ جەدەل جاردەم شاقىرتقان. ول كەزدە مايكلدىڭ جۇرەگى توقتاپ قالعان.
مايكل قازا تابۋىنا سەبەپشى بولعان ەسىرتكى- فەنتالين. فەنتالين – كانادادا تارالعان ەسىرتكىلەردىڭ ىشىندەگى ەڭ كوپ قولدانىستاعىسى جانە ءقاۋىپتىسى.
