ينستاگرام الەۋمەتتىك جەلىسىندە وتىرىپ ادەمى ءارى شىمىر دەنەلى قىزداردىڭ سۋرەتتەرىن كورىپ جاتامىز.  مىڭداعان ادامنىڭ نازارىن اۋدارىپ وتىرعان بويجەتكەندەردىڭ سۋرەت ارتىنا نە جاسىرعانىنا نازار اۋدارا بەرمەيمىز. ءتىپتى كەيدە ول قىزداردىڭ ءدال وسى قالپىنا قالاي جەتكەنى جايلى ويلانا بەرمەيمىز.

ماريانا سفاكياناكيست اتتى نازىك قىزدىڭ الەۋمەتتىك جەلىدەگى پاراقشاسىن قاراي وتىرىپ وجەتتىگىنە قايران قالاسىڭ.

ءبىر قاراعاندا، سيدنەي قالاسىنىڭ تۇرعىنى ماريانا سفاكياناكيستىڭ جۇكتەيتىن سۋرەتتەرى وزگە دە سۇلۋ قىزداردىڭ سۋرەتتەرىنەن اسا قاتتى ەرەكشەلەنبەيدى. ءمىنسىز ءمۇسىن مەن ءتۇرلى سەلفيلەردەن تۇراتىن جۇزدەگەن سۋرەتتەر جۇكتەلىپ جاتادى. ماريانانىڭ ينستاگارام جەلىسىندە 52 مىڭ جازىلۋشىسى بار. ال سۇلۋ قىزدىڭ ءدال وسى قالپىنا جەتۋ جولىنداعى قيىندىقتارىن ەكىنىڭ ءبىرى بىلە بەرمەيدى.  

ماريانا پاراقشاسىنا ءوزىنىڭ بالا كۇنىندەگى سۋرەتتەرىن جۇكتەگەن بولاتىن.  ءوزىنىڭ بالا كۇنىندە فيزيولوگيالىق اۋرۋى بولعانىن دا جاسىرمادى. اۋرۋ ازدىرعان جاس قىزدىڭ قالاي سۇلۋ بيكەشكە اينالعانى جايىندا ايتىپ بەردى.

مارياناعا اياعى اۋىر اناسىنا دارىگەرلەر نارەستەنىڭ ءولى دۇنيەگە كەلەتىنىن ايتقان.  ءتىپتى دۇنيەگە كەلمەگەن بالانى قۇتقارۋعا ەش ارەكەت جاساماعان. ءسابي مەرزىمىنەن بۇرىن دۇنيەگە كەلەدى.  ءبىراق مەديسينالىق قامقورلىقتىڭ جەتىسپەۋشىلىگىنەن اۋرۋعا دۋشار بولادى. ماريانا ءبىراز ۋاقىت وتتەگىنىڭ جەتىسپەۋشىلىنە بايلانىستى ميدىڭ جارتىلاي زاقىمدانۋى مەن سال اۋرۋىنا  ۇشىرايدى.

6 جاسقا دەيىن ماريانانىڭ ءومىرى كۇيزەلىسكە تولى سىناقپەن وتەدى. بۇل قىزعا وتا جاسالعانعا دەيىنگى جاعدايى . وتا جاسالعاننان كەيىن ماريانا ءوز اياعىمەن جۇرە باستايدى . 8 اي بويى اۋرۋمەن كۇرەسىپ، تىنىمسىز ەڭبەكتىڭ ارقاسىندا اۋرۋدى جەڭىپ شىعادى.

بۇگىندە مارياننا ءوز ارمانىڭا جەتۋ جولىندا ەشقاشان بەرىلمەۋ كەرەك ەكەنىن ايتادى. ءوزىنىڭ الەۋمەتتىك جەلىدەگى دوستارىنا ۇلگى كورسەتىپ، ءوزىڭدى-وزىڭ شىڭداۋ ارقىلى كەز كەلگەن قيىندىقتان شىعۋعا بولاتىنىن ايتتى.

اۋدارعان: ايگەرىم تاۋباي