دجەسسيكا نوتارو ەسىمدى سۇلۋ 2007 جىلى «يتاليا ارۋى» بايقاۋىنىڭ فينالىنا شىققان. سودان بەرى ونى حالىق تاني باستادى. نوتارو سانبيكەلىككە بەت بۇردى. تەلەارنادا ءتۇرلى باعدارلاما جۇرگىزدى. ءانشى بولۋدى ماقسات تۇتتى. ءتىپتى ءبىر ءان جازىپ ۇلگەرگەن.

الايدا جاقىندا بولعان وقيعا ونىڭ ءومىرىن ماڭگىلىككە وزگەرتتى. دجەسسيكا نوتارونىڭ بۇرىنعى جىگىتى جورج ەدسون تاۆارەس  قىزعا كۇكىرت قىشقىلىن شاشىپ جىبەرگەن. سونىڭ سالدارىنان كوز، بەت، اياعى كۇيگەن. دارىگەرلەر سانبيكەنىڭ بەت الپەتىن تولىق قالپىنا كەلتىرە المادى. ءقازىر ولار دجەسسيكانىڭ كورۋ قابىلەتىن ساقتاپ قالۋعا تىرىسۋدا.

پوليسەيلەر جورج ەدسون تاۆارەستى ۇستادى. جىگىت ءوز كىناسىن مويىنداماي وتىر. دجەسسيكا بۇعان دەيىن بىرنەشە مارتە تاۆارەستىڭ قورقىتقانىن ايتىپ ارىزدانعان.

دجەسسيكانىڭ ايتۋىنشا، ەدسون تاۆارەس وتە جاقسى ادام بولعان. الايدا ەكەۋى ايىرىلىسقاننان كەيىن مىنەزى كۇرت وزگەرگەن. قىزدى اڭدىپ، قورقىتۋدى شىعارعان.

سانبيكە بىرنەشە اي اۋرۋحانادا جاتقان. حالىقتىڭ كوزىنە كورىنۋگە ۇيالعان قىز جاقىندا تەلەارناعا شىعۋعا بەل بۋادى. دجەسسيكانىڭ ايتۋىنشا، شابۋىلدان كەيىن دجەسسيكا كورۋ قابىلەتىن ساقتالىپ قالۋىن قۇدايدان تىلەگەن. ال بۇرىنعى سۇلۋلىعى جايىندا ايتۋدىڭ ءوزى ارتىق ەكەنىن ايتادى.

نوتارو كوزگە ارنالعان دارىگە ايىنا 600 دوللار جۇمسايدى ەكەن. سونىمەن قاتار، كۇندە اۋرۋدى باساتىن ءدارى ءىشىپ، ماسكا كيىپ جۇرۋگە ءماجبۇر. سانبيكەگە ءالى كۇنگە شىعۋعا بولمايدى.

پلاستيكالىق وپەراسيا جاساۋ ءالى ەرتە. دارىگەرلەردىڭ ايتۋىنشا، دجەسسيكا ءبىر جىل كۇتۋى كەرەك.

دجەسسيكا تەلەارنادان بۇرىنعى جىگىتىنە حابار جولدادى.

«سەنىڭ ماعان نە ىستەگەنىڭدى كورگەنىڭدى قالايمىن. بۇل ماحاببات ەمەس» دەدى قىز.