ينتەرنەت تەحنولوگياسىنىڭ مۇمكىندىكتەرىن تولىق پايدالانۋ ماقساتىندا، قامشى سايت جۇيەسىنە تەحنيكالىق جاڭالىقتاردى قوستى دەپ حابارلايدى قامشى اقپاراتتىق اگەنتتىگى. 

Qamshy.kz وقىرماندارىنا تومەندەگىدەي تەحنيكالىق جاڭالىقتارىن قۋانا حابارلايدى.

1. ءۇش الىپبيدە (لاتىن، توتە، كيريلل) اقپارات تاراتۋ فۋنكسياسى جاڭارتىلدى ءارى كەمەلدەندىرىلدى.  قازاق ءتىلىنىڭ ءار كەزەڭدە قولدانعان گرافيكالارى الەمنىڭ ءارتۇرلى اۋماقتارىنداعى وقىرماندارىمىزدىڭ بىزدەن ەركىن اقپارات الۋىن قامتاماسىز ەتەدى.

2. اۋديولى اقپارات فۋنكسياسى ىسكە قوسىلدى.  قامشى جاڭالىقتارىنا بۇدان باستاپ اۋديوپودكاست جۇيەسىن قوستى. ەندى ءسىز وزگە شارۋاڭىزدى ىستەپ وتىرىپ تا قامشىدان جەدەل ءارى وزەكتى اقپارات الا الاسىز. ول ءۇشىن ماقالالار تاقىرىپشاسى شەتىنە ورنالاسقان ويناتۋ بەلگىشەسىن تۇرتسەڭىز بولعانى.

3. كەرى بايلانىس. ماقالا جاريالاعان اۆتورلار نەمەسە مەكەمە مەن وقىرمان اراسىندا تىكە بايلانىس ورناتىلادى. بۇدان بىلاي ماتەريال ۇسىنۋشى قالاسا ماقالاعا قالدىرىلعان پىكىر بىردەن اۆتور تاراپىنىڭ ەلەكتروندى پوشتاسىنا كەلىپ تۇسەدى. 

4. ماقالانى باعالاۋ جۇيەسى قوسىلدى. قامشى اقپاراتتىق اگەنتتىگى وقىرمان پىكىرىن ەسكەرۋ ماقساتىندا سايتقا جاريالانعان ماتەريالدار سوڭىنا باعالاۋ جۇيەسىن قوستى. بۇدان بىلاي ءسىز ءوزىڭىز وقىعان ماتەريالدارعا باعالاۋ جاساي الاسىز.

قۇرمەتتى وقىرمان، قامشى سىزدەرگە اقپاراتتىق قىزمەتتە ايانىپ قالماس ءۇشىن تەحنيكالىق مۇمكىندىكتەرىن بۇدان دا وزىق دەڭگەيگە جەتىلدىرۋگە جۇمىس ىستەيدى. قولىڭىزدان «قامشى» تۇسپەسىن!