الماتى قالاسىنىڭ تۇرعىنى باراحولكا بازارىندا  سۋ باسقان جەر استى جولىمەن جۇك تاسۋ ارباسى  ارقىلى ادامداردى 50 تەڭگەگە تاسىپ ءجۇر دەپ حابارلايدى قامشى اقپاراتتىق اگەنتتىگى tengrinews.kz پورتالىنا سىلتەمە جاساي وتىرىپ.
«تاڭەرتەڭ كيىم بازارىنا جۇمىستارىممەن بارعان بولاتىنمىن. «سالەم» بازارىنا جەر استى جولى ارقىلى وتپەك بولعانىمدا، ول جەر جاۋعان جاڭبىردان سۋعا تولى بولدى. جۇرگىنشىلەر جولى الىستا ورنالاسقان، ال جول ورتاسىمەن وتەيىن دەسەم ميليسيا قىزمەتكەرلەرى 5000 تەڭگە ايىپپۇل سالادى. جەر استى جولىنا ءتۇسىپ قاراسام، ءبىر ەر ادام جۇك ارباسى ارقىلى ادامداردى جولدىڭ ارعى بەتىنە تاسىپ ءجۇر ەكەن. باعاسى نەبارى 50 تەڭگە. جولدىڭ ارعى بەتىنە وتەتىن ادامدار سانى وتە كوپ، كەيدە قاتارعا تۇرىپ كەزەك كۇتەتىندەر دە كەزدەسەدى»،- دەپ باسىنان وتكەن وقيعانى بايانداپ بەردى جولاۋشىلاردىڭ ءبىرى.
ەكى قولعا ءبىر كۇرەك تاپپاعان ەر ازاماتتارعا بۇلدا ءوز سەپتىگىن تيگىزۋى ابدەن مۇمكىن.