بۇگىن قازاق باتىرى راقىمجان قوشقاربايەۆتىڭ رەيحستاگقا تۋ تىككەن كۇنى دەپ حابارلايدى قامشى اقپاراتتىق اگەنتتىگى. راقىمجان قوشقاربايەۆ مايدان كەزىنە ءوزىنىڭ ۆزۆودىمەن  ەڭ الدىنعى شەپتەردە بولىپ، ءوز ءومىرىن قاۋىپكە تىكتى. كەيىن وعان «گيتلەردىڭ ۇيىنەن» رەيحستاگقا دەيىن بارىپ، قىزىل تۋدى تىگۋ تۋرالى تاپسىرما بەرىلدى. «گيتلەر ۇيىنەن» رەيحستاگقا دەيىنگى اراقاشىقتىق 360 مەتر عانا بولعانىمەن، ول جەر اسا ءقاۋىپتى، جان-جاعى قورشاۋعا الىنعان اشىق الاڭ بولاتىن. تولاسسىز جاۋعان وقتىڭ اراسىندا 7 ساعات بويى ارپالىسىپ، اتالعان جەرگە جەتتى. رەيحستاگقا گريگوريي بۋلاتوۆ ەسىمدى جاۋىنگەرمەن بىرگە جەتىپ، بۇيرىقتى ورىندادى. بۇل تاريحي وقيعا 30ء-ساۋىر كۇنى، ساعات 18:30-دا  بولعان ەدى. بۇل حابار بۇكىل ەلگە تارالىپ، باسپا ءسوز بەتتەرىندە جارىسا جاريالاندى. قازاقتىڭ بىرەگەي باتىرى 1988 جىلى دۇنيەدەن ءوتتى. حالىق قاھارمانى اتاعى راقىمجان قوشقاربايەۆقا 2001 جىلى بەرىلدى.  كوپتەگەن قازاقتىڭ باتىرلارىنان ايرىلعان سول ءبىر سۇراپىل سوعىستىڭ ازابى مەن ەستەلىكتەرىن جۇرەگى قازاق دەپ سوققان ءار ازامات ۇمىتقان جوق، ۇمىتپايدى دا.