ق ر ءبىلىم جانە عىلىم ءمينيسترى ەرلان ساعادييەۆتىڭ ايتۋىنشا، مەملەكەت باسشىسىنىڭ «بولاشاققا باعدار: رۋxاني جاڭعىرۋ» ماقالاسىندا كورسەتىلگەن ماقسات-مىندەتتەر اياسىندا جاڭا وقۋ جىلىنان باستاپ ءبىرقاتار پاندەر مۋزەيلەردە وتكىزىلەدى، دەپ xابارلايدى قامشى اقپاراتتىق اگەنتتىگى قازاقپاراتقا سىلتەمە جاساپ.

«گەوگرافيا، دۇنيەتانۋ جانە قازاقستان تاريxى ساباقتارىن كەمىندە ەكى ساعاتتان مۋزەيلەردە، جوعارى وقۋ ورىندارىنىڭ مۋزەيلەرى مەن عىلىمي ينستيتۋتتارىندا وتكىزۋدى جوسپارلاپ وتىرمىز. ارينە، بۇل ءىس-شارالار تەك قانا جاعدايى بار جەرلەردە وتكىزەلەدى. دەگەنمەن، قازاقستاننىڭ مۋزەيلەرى كۇزگە دەيىن دايىن بولۋى كەرەك. سونىڭ ىشىندە وقۋشىلار وتىراتىن ورىنداردى دايىنداپ، مۋزەيلەردى قاجەتتى تەxنيكالىق قۇرالدار - پروەكتورلار مەن ينتەراكتيۆتى تاقتالارمەن قامتاسىز ەتۋ كەرەك. جوعارى وقۋ ورىندارىنا قاراستى زەرتتەۋ ينستيتۋتتارىنىڭ مۋزەيلەرىن ءوزىمىز دايىندايمىز. ءبىرقاتار وبلىس اكىمدەرىمەن وسى ماسەلە تالقىلاندى. بۇل جۇمىستى وتكىزۋ ءۇشىن جەرگىلىكتى اكىمدەرمەن مۋزەيلەرگە بارۋ اقىسىن تولەۋ مەxءانيزمى ازىرلەنۋى ءتيىس»، - دەدى ساعادييەۆ بۇگىنگى ۇكىمەت وتىرىسى بارىسىندا.

ءمينيستردىڭ ايتۋىنشا، بۇگىننەن باستاپ مادەنيەت جانە سپورت مينيسترلىگىمەن ءتيىستى كەڭەستەر وتكىزىلەتىن بولادى. سول كەزدە جاڭا وقۋ جىلىنان باستاپ مەكتەپ وقۋشىلارى ءۇشىن مۋزەيلەردە ساباق وتكىزۋ ماسەلەسى جان-جاقتى پىسىقتالادى.