افريكالىق تايپالاردىڭ العاشقى نەكە تۇنىنە قاتىستى داستۇرلەرى ادام شوشىتادى دەپ حابارلايدى قامشى اقپاراتتىق اگەنتتىگى.
بەربەر افريكالىق تايپاسىندا قىز بەن جىگىتتىڭ ۇيلەنۋ تويىنان كەيىن جالعىز قالۋى ەكىتالاي. سەبەبى العاشقى نەكە ءتۇنىن ولار توپ بولىپ وتكىزگەندى دۇرىس دەپ سانايدى. جاقىندا عانا ۇيلەنگەن بىرنەشە جۇپ جاڭادان نەكەسىن قيعان جۇپپەن بىرگە ءبىر بولمەدە بولادى. بۇل ولاردىڭ ويىنشا ماڭىزدى وقيعا الدىنداعى كۇيزەلىستى جەڭۋگە كومەكتەسەدى ەكەن.
سۋاحيلي تايپاسىندا ەكى جاستى اتا-اناسىنىڭ كەلىسىمىمەن ۇيلەندىرەدى. ۇيلەنگە دەيىن ولار ءبىر-بىرىن تانىمايدى. العاشقى نەكە ءتۇنى ەكى جاس ءبارىن جاساسىن دەگەن نيەتپەن ءوزىن سومو دەپ اتايتىن قىزدىڭ ءبىر تۋىسقانى توسەكتىڭ قاسىندا وتىرادى. ول ءتىپتى كەرەك كەزدە اقىل-كەڭەسىن ايتادى ەكەن. تاڭەرتەڭ ءبارى دۇرىس وتكەنىن ايتىپ، قان جاعىلعان اق جايمانى اۋىلداستارىنا كورسەتەدى.
زۋلۋ حالقى ەكى جاس العاشقى نەكە ءتۇنىن وتكىزبەس بۇرىن قىز بەن جىگىتتىڭ وتباسىلارى بيدەن جارىس وتكىزەدى. سايىستىڭ شارىقتاۋ شەگى بولىپ قىزدىڭ بارىنشا بيىككە اياق كوتەرۋى بولىپ سانالادى. ول اياعىن بيىككە كوتەرىپ قانا قويماي، سول قالپىن ساقتاپ ۇزاق تۇرۋى ءتيىس. اناسى كەلىپ قىزدىڭ قىز ەكەندىگىنە كوزىن جەتكىزەدى. ارينە، بۇل جاي ءداستۇر. سەبەبى بۇلاي گينەكولوگ قانا قىزدىڭ پاك ەكەندىگىن انىقتاي الادى. الايدا بۇل ءداستۇر كەلگەن قوناقتارعا، جينالعان جۇرتقا ۇنايدى ەكەن.
ناميبي اۋماعىندا تۇراتىن حيمبا تايپاسىندا قىز جىگىتىڭ ۇيىنە بارماس بۇرىن اكەسىنە كەلىپ، ونىڭ العاشقى نەكە ءتۇنى، جالپى ايەلدىك مىندەتى جايىنداعى اقىل-كەڭەسىن تىڭدايدى. ماي جاقپاس بۇرىن قىزدىڭ باسىندا سيىردىڭ تەرىسىنەن باس كيىم كيگىزىلەدى ەكەن.
شونا تايپاسىندا العاشقى نەكە ءتۇنى قاشان ناقتى بولاتىندىعىن تەك قىزدىڭ ءوزى عانا شەشەدى. بۇل جىگىت ءۇشىن ۇلكەن سيۋرپريز. نەكە قيىلعاننان كەيىن قىز كەز كەلگەن ءتۇنى جىگىتتىڭ ۇيىنە كەلۋى مۇمكىن. باستىسى جىگىتتىڭ جاقىندارى مۇنى الدىن-الا ءبىلىپ، قىزدى اندەتىپ، بيلەپ قارسى الۋلارى مىندەت. سودان كەيىن عانا توي ۇيىمداستىرىلادى.
ۋگاندانىڭ سولتۇستىك-شىعىسىن مەكەندەيتىن بانيانكولە تايپاسىنىڭ ءداستۇرى بويىنشا قىز تۇرمىس قۇرماس بۇرىن جىگىتپەن ونىڭ تاتەسى بىرگە بولۋى قاجەت. تاجىريبەلى ايەل مۇنىسىمەن جىگىتتە ءبارى دۇرىس ەكەندىگىن تەكسەرەدى-مىس. العاشقى نەكە تۇنىندە دە قىزدىڭ سول تاتەسى جۇپپەن بىرگە ءبىر بولمەدە بولىپ، «ماحابباتتىڭ» كۋاگەرى اتانادى.
تۋنيس اۋىلدارىندا جىگىت قىزبەن جاقىنداسقاننان كەيىن شام جاعىپ، ونى تەرەزەنىڭ الدىنا قويۋى ءتيىس. بۇل قىزدىڭ قىز بولىپ شىققانىن دالەلدەگەن ءتۇرى. شامنىڭ جانۋىن بۇكىل اۋىل كۇتىپ وتىراتىندىعى ءسوزسىز ءبىرتۇرلى.
ماروككودا قىزدىڭ پاك بولۋىن قاتاڭ قاداعالايدى. ۇيلەنۋ تويى الدىندا قىزدىڭ قۇربىلارى قىزدىڭ پاك ەكەندىگىن تەكسەرىپ الادى. سوسىن مۇنى بارىنە جاريا ەتەدى. كەيبىر ءداستۇرلى وتباسىلاردا قىزدىڭ قۇربىلارى العاشقى نەكە تۇنىندە جاستاردىڭ قاسىندا كۋاگەر بولىپ جاتادى ەكەن.
ەفيوپيادا دا قىزدىڭ پاكتىگى باستى نازاردا. نەكە ءتۇنىنىڭ الدىندا قىز وزىمەن بىرگە باسىنا بايلايتىن اق جايمانى الىپ كەتىپ، سوسىن ونداعى قاندى دالەل رەتىندە كورسەتۋ قاجەت ەكەن. جاستار ءلاززاتقا بەرىلىپ جاتقاندا ەنە مەن جىگىت جاقتان ءبىر تۋىسقان ەسىكتىڭ ارتىندا كۇتىپ تۇرادى. پروسەسس اياقتالاسىمەن قىز ولارعا قان بولعان مويىنوراعىشىن الىپ كورسەتۋى مىندەت. ەگەر قان جاعىلماسا، جىگىت قىزدى دۇرە سوعۋعا نەمەسە قۋىپ شىعۋعا قۇقىلى.
تانزانيادا قىز جىگىتتى تەك العاشقى نەكە ءتۇنى كەزىندە عانا كورەدى ەكەن. ءتىپتى ءوزىنىڭ ۇيلەنۋ تويىنا قىز قاتىسپايدى. ءبارى دۇركىرەتىپ تويلاپ جاتقاندا قىز سىلانىپ-بويانىپ، بولمەدە ءوزى تانىمايتىن كۇيەۋىن كۇتىپ وتىرادى.
ءداستۇرلى مىسىرلىق تويدىڭ ءداستۇرى بويىنشا قىزدى پاكتىگىنەن ايىراتىن جىگىت ەمەس. مۇنى ارنايى شاقىرتىلعان اكۋشەر مامانى جاسايدى. ول ساۋساعىن اق شۇبەرەكپەن وراپ الىپ، قىزدىق پەردەنى جىرتادى. سوسىن قاندى جىگىتتىڭ تۋىسقاندارىنا پاش ەتەدى.
سۋداندىق نۋەر تايپاسىنىڭ ءداستۇرى بويىنشا ۇيلەنۋ تويى وتكەننەن كەيىن قىزدىڭ شاشىن تاقىرلاپ الىپ تاستايدى. نەگە ەكەنى تۇسىنىكسىز. ءبىراق بەلگىلى بولعانى، تاقىرباس قىز كۇيەۋىمەن ءبىر توسەكتە جاتۋىنا رۇقسات جوق.
