جەرلەۋگە بايلانىستى قولدانىلاتىن تىيىمدار وسىدان جۇزدەگەن جىل بۇرىن قالىپتاسقان. جەرلەۋ كەزىندە كەيبىر ىس-ارەكەتتەردى مۇلدەم جاساۋعا بولمايدى دەپ حابارلايدى قامشى اقپاراتتىق اگەنتتىگى.

حريستيانداردىڭ جەرلەۋ كەزىندەگى ءتۇرلى ءراسىمى مەن تىيىمىن Dni.ru سايتى دا جيناقتاپ جازعان بولاتىن.  حريستياندار مەن مۇسىلمانداردىڭ  سەنىمدەردىڭ اراسىندا ايىرماشىلىق بولعانىمەن، ۇقساستىقتار دا  كەزدەسەدى ەكەن.

ەگەر ۇيدە ءبىر ادام قايتىس بولعان جاعدايدا ۇيدەگى بارلىق اينانىڭ بەتىن جاۋىپ قويعان دۇرىس. العاشقى 40 كۇندە قايتىس بولعان ادامنىڭ رۋحى ءالى وسى الەمدە جۇرەدى جانە اينا ارقىلى رۋح ءوزىنىڭ جاقىن ادامىن ارعى دۇنيەگە الىپ كەتۋى مۇمكىن دەگەن  سەنىم بار.

وسىعان ۇقساس تاعى ءبىر سەنىم ءتىپتى اتەيستتىك كەزدە دە قولدانعان ەكەن. ادامنىڭ قايتىس بولعانىن بۇرىن سول ءۇيدىڭ تابالدىرىعىنا شىرشا بۇتاقتارىنىڭ وتىرعىزىلعاندىعى ارقىلى بىلگەن. ءۇي-ىشى تۋىستارى مەن دوستارىن جاريا قىلىپ، ارنايى شاقىرماعان.

سونىمەن بىرگە قايتىس بولعان ادامدى جالعىز قالدىرۋعا مۇلدەم بولمايدى. سەبەبى وعان قايتىس بولعاننان كەيىن ول جاقىن اامداردىڭ دۇعاسىنا ءزارۋ بولادى. سوندىقتان ءمايىتتىڭ قاسىندا كەم دەگەندە ءبىر ادام ول ءۇشىن دۇعا وقىپ وتىرۋ كەرەك.  وسى سەنىم مۇسىلماندار دا كەزدەسەدى. قايتىس بولعان ادامعا باعىشتاپ دۇعا جاساۋ ارقىلى ولگەن ادامعا كومەكتەسەدى.

العاشقى كۇندەرى تابىتتى توڭكەرىپ قويۋ كەرەك. تابىتتى بىرنەشە كۇن وتكەننەن كەيىن عانا دۇرىستاپ قويۋعا بولادى. ەگەر بۇل قاعيدانى ورىندامايتىن بولسا، ءمايىتتىڭ جانى جاي تاپپاي، ەلەس كۇيىندە تۋىستارىن قورقىتۋى مۇمكىن.

وسى سەكىلدى ارنايى راسىمدەر مۇسىلمانداردا دا كەزدەسەدى. مۇسىلماندار ءمايىتتى ەڭ ءبىرىنشى جۋىندىرادى. ونى قايتىس بولعان ادامنىڭ بالالارى نەمەسى جۇبايى ورىندايدى. بۇل ادامنىڭ ارعى دۇنيەگە بارعاندا تازا بولىپ بارسىن دەگەن سەنىمنەن قالىپتاسقان.

مۇسىلماندار ءمايىتتى تازالاپ بولعاننان كەيىن ونى جەر قوينىنا تەزىرەك تاپسىرۋعا تىرىسادى. ءمايىتتى كەم دەگەندە 4 ادام كوتەرىپ ءجۇرۋى كەرەك.  سونىمەن قايتىس بولعان ادامعا باعىشتاپ قۇران، جانازا نامازى وقىلادى.

قايتىس بولعان ادامنىڭ ارتىنان شاش ءجۇلىپ، بەت تىرناپ جىلاۋ دۇرىس ەمەس. بۇل ىس-ارەكەتتەردى جاساۋ ارقىلى قايتىس بولعان ادامعا زيان تيگىزبەسەڭىز پايداڭىز تيمەيدى. سەبەبى ولگەن ادامنىڭ جانى تىنىش تاپپايدى، قينالادى. ەگەر ءسىز وسىنداي قايعىعا سابىر ەتىپ، دۇعا باعىشتاساڭىز ولشەۋسىز ساۋاپتارعا كەنەلەسىز جانە ولگەن ادامنىڭ ءقابىر ازابىنان قۇتىلۋىنا از دا بولسا سەپتىگىڭىزدى تيگىزەسىز.

ايتا كەتەتىن بولساق، ءمايىتتى جەر قوينىنا تابىستاعاننان كەيىن جەرلەنگەن جەردەن ەڭ سوڭعى بولىپ كەتكەن ادام 40 قادام جاساعان سوڭ، ولگەن ادام سۇراق-جاۋاپقا تارتىلا باستايدى.  ال قابىردەگى ادام ول سۇراقتارعا ىستەگەن امالدارىنا بايلانىستى جاۋاپ بەرە الادى.

وسىعان ۇقساس سەنىمدەر ءتۇرلى ۇلتتار مەن باسقا سەنىمدەگىلەردە وتە كوپ كەزدەسەدى. الايدا ارنايى ماماندار ايتقان ەسكەرۋلەر دە جوق ەمەس.

جەرلەۋ جۇمىسىن اتقاراتىن مامانداردىڭ ايتۋى بويىنشا، قايتىس بولعان ادامدى سۇيۋگە بولمايدى. سەبەبى ادام قايتىس بولعاننان كەيڭن ونىڭ دەنەسىندە زياندى سۇيىقتىق بولىنەدى. ال ول ءتىرى اعزا ءۇشىن اسا ءقاۋىپتى.